جاپونييانىڭ شىعىس ٶڭٸرلەرٸنە سوققان قۋاتتى «دۋتسزيۋان» تايفۋنى نٶسەر جاۋىن, قاتتى جەل مەن كٶشكٸنگە سەبەپ بولدى. سوڭعى مەلٸمەتتەر بويىنشا, تابيعي اپات سالدارىنان توعىز ادام كٶز جۇمىپ, تٶرت ادام ٸز-تٷزسٸز جوعالعان. تاعى كەمٸندە 22 ادام تٷرلٸ جاراقات العان, دەپ حابارلايدى dalanews.kz.
تايفۋن ونداعان تۇرعىن ٷيدٸ قيراتىپ, جٷزدەگەن عيماراتتى سۋ باسقان. قازٸرگٸ ۋاقىتتا توكيو مەن وعان جاقىن اۋداندارداعى شامامەن 45 مىڭ وتباسى ەلٸ دە ەلەكتر جارىعىنسىز وتىر.
داۋىل ەڭ كٷشتٸ كەزەڭٸنە جەتكەن كەزدە بيلٸك قاۋٸپتٸڭ ەڭ جوعارى دەڭگەيٸن جارييالاپ, 1,9 ميلليون ادامدى شۇعىل ەۆاكۋاتسييالاۋعا شاقىرعان.
قازٸر «دۋتسزيۋان» تايفۋنى تىنىق مۇحيتىنا قاراي ويىسقانىمەن, زارداپ شەككەن پرەفەكتۋرالاردا ٸزدەستٸرۋ-قۇتقارۋ جۇمىستارى ەلٸ دە جالعاسىپ جاتىر.
