جەتٸسۋ وبلىسىندا جاپان دالادا جالعىز جٷرگەن تٶرت جاسار بالانىڭ اتا-اناسى تابىلدى, دەپ حابارلايدى dalanews.kz.
كٶلٸكتەگٸ پوليتسييا دەپارتامەنتٸ دەرەگٸنشە, ونىڭ اناسىنا كەمەلەتكە تولماعان بالانىڭ قاۋٸپسٸزدٸگٸن قامتاماسىز ەتۋ جٶنٸندەگٸ مٸندەتٸن تيٸسٸنشە ورىنداماعانى ٷشٸن ەكٸمشٸلٸك ٸس قوزعالعان.
ەسكە سالايىق, بۇعان دەيٸن وقيعانىڭ مەن-جايى حابارلاندى. 20 قىركٷيەكتە ساعات 12:30-دا سارىٶزەك - ٷشتٶبە ۋچاسكەسٸنٸڭ تاۋاراسى - اينابۇلاق ارالىعىندا جٷك پويىزىنىڭ ماشينيسٸ تەمٸرجول تٶسەمٸ جانىنان اينابۇلاق ستانتسيياسىنا جالعىز باعىت العان تٶرت جاسار بالانى بايقاعان.
ماشينيست شامامەن 38 شاق/ساع جىلدامدىقپەن قىزمەتتٸك تەجەۋدٸ قولدانىپ, پويىزدى توقتاتىپ, بالانى لوكوموتيۆ كابيناسىنا وتىرعىزىپ العان. بۇل تۋرالى ول پويىز ديسپەتچەرٸنە حابارلاعان. بالا اينابۇلاق ستانتسيياسىنىڭ كەزەكشٸسٸنە تاپسىرىلعان.
