اقتوبە وبلىسىندا مەديسينالىق مەكەمەلەردىڭ قۇرىلىسىنا 1،4 ملرد تەڭگە ءبولىندى، - دەپ حابارلايدى Dalanews.kz.
ۇكىمەتتىڭ باسپا ءسوز قىزمەتى مالىمەتىنشە، مەملەكەت باسشىسىنىڭ تاپسىرماسىنا سايكەس ەلىمىزدە زاڭسىز يەمدەنىلگەن اكتيۆتەر ەسەبىنەن الەۋمەتتىك ماڭىزى بار نىساندار سالۋ جوبالارى جۇزەگە اسىرىلىپ جاتىر.
اقتوبە وبلىسىندا مەديسينالىق مەكەمەلەردىڭ قۇرىلىسىنا ارناۋلى مەملەكەتتىك قوردان شامامەن 1،4 ملرد تەڭگە بولىنگەن. قاراجات 11 نىساننىڭ، ياعني مەديسينالىق جانە فەلدشەرلىك-اكۋشەرلىك پۋنكتتەر، دارىگەرلىك امبۋلاتوريالار قۇرىلىسىنا باعىتتالدى.
2025 جىلى اقتوبە وبلىسىنىڭ مىنا اۋداندارىندا فەلدشەرلىك-اكۋشەرلىك پۋنكتتەر:
- ىرعىز اۋدانى، نۇرا اۋىلى
- بايعانين اۋدانى، نوعايتى اۋىلىندا سالىنادى.
سونداي-اق، مەديسينالىق پۋنكتتەر:
- شالقار اۋدانى، شوقىسۋ اۋىلى،
- شالقار اۋدانى، سارىساي اۋىلى،
- مۇعالجار اۋدانى، جارىق اۋىلى،
- شالقار اۋدانى، توعىز اۋىلى،
- قوبدا اۋدانى، بەگالى اۋىلى،
- ىرعىز اۋدانى، جارما اۋىلىندا سالىنادى.
دارىگەرلىك امبۋلاتوريالار:
- مۇعالجار اۋدانى، قايىڭدى اۋىلى،
- مۇعالجار اۋدانى مۇعالجار اۋىلى،
- العا اۋدانى، مارجانبۇلاق اۋىلىندا سالىنباق.
"مەديسينالىق مەكەمەلەردىڭ بارلىعى تاۋلىگىنە 25-45 كەلۋشىگە قىزمەت كورسەتۋگە ەسەپتەلگەن"، - دەپ جازىلعان حابارلامادا.
