قازاقستاندا جانار-جاعارماي تاپشىلىعىنىڭ الدىن الۋ ماقساتىندا پاۆلودار مۇناي-حيمييا زاۋىتىنداعى جوسپارلى جٶندەۋ جۇمىستارى بٸر جىلعا شەگەرٸلدٸ, دەپ حابارلايدى dalanews.kz.
بۇل تۋرالى «قازمۇنايگاز» كومپانيياسى حابارلادى. كومپانييا مەلٸمەتٸنشە, شەشٸم ٸشكٸ نارىقتى مۇناي ٶنٸمدەرٸمەن تۇراقتى قامتاماسىز ەتۋ ٷشٸن قابىلدانعان.
قازٸرگٸ ۋاقىتتا ەلدە جانار-جاعارمايعا سۇرانىس جوعارى بولىپ وتىر. سوندىقتان ٸرٸ مۇناي ٶڭدەۋ زاۋىتىنىڭ جۇمىسىن ۋاقىتشا توقتاتۋ كەيبٸر ٶڭٸرلەردە بەنزين مەن ديزەل وتىنىنىڭ تاپشىلىعىنا ەكەلۋٸ مٷمكٸن. «قازمۇنايگاز» ٶكٸلدەرٸ بۇل شەشٸم جانار-جاعارماي تاپشىلىعى تۋىنداعانىن بٸلدٸرمەيتٸنٸن اتاپ ٶتتٸ. بۇل – سۇرانىس جوعارى كەزەڭدە جەتكٸزٸلٸمنٸڭ تۇراقتىلىعىن ساقتاۋ ٷشٸن قابىلدانعان الدىن الۋ شاراسى.
ايتا كەتەيٸك, پاۆلودار مۇناي-حيمييا زاۋىتىنداعى سوڭعى جوسپارلى-الدىن الۋ جٶندەۋ جۇمىستارى 2025 جىلدىڭ شٸلدە ايىندا اياقتالعان بولاتىن.
كومپانييا قازاقستانداعى مۇناي ٶڭدەۋ زاۋىتتارىنىڭ جٶندەۋارالىق كەزەڭٸن ۇلعايتۋ باعىتىندا جۇمىس جٷرگٸزٸپ جاتقانىن مەلٸمدەدٸ. مەسەلەن, شىمكەنت مۇناي ٶڭدەۋ زاۋىتى ٷش جىلدىق جٶندەۋ تسيكلٸنە كٶشكەن. مۇنداي تەجٸريبە پاۆلودار جەنە اتىراۋ مۇناي ٶڭدەۋ زاۋىتتارىندا دا كەزەڭ-كەزەڭٸمەن ەنگٸزٸلٸپ جاتىر. كومپانييا ٶكٸلدەرٸنٸڭ ايتۋىنشا, ٶندٸرٸستٸك جابدىقتاردىڭ سەنٸمدٸلٸگٸ باستى نازاردا قالا بەرەدٸ.
سونىمەن قاتار ەلدە مۇناي ٶڭدەۋ كٶلەمٸن ۇلعايتۋ جوسپارى جٷزەگە اسىرىلۋدا. جوسپارعا سەيكەس, پاۆلودار مۇناي-حيمييا زاۋىتىنىڭ جىلدىق ٶڭدەۋ قۋاتى قازٸرگٸ 6 ملن توننادان 9 ملن تونناعا دەيٸن ارتتىرىلادى. بۇل ٸشكٸ نارىقتى مۇناي ٶنٸمدەرٸمەن قامتاماسىز ەتۋ مٷمكٸندٸگٸن كٷشەيتۋگە باعىتتالعان.
