Qazaqstanda janar-jaǵarmai tapshylyǵynyń aldyn alý maqsatynda Pavlodar munai-himiia zaýytyndaǵy josparly jóndeý jumystary bir jylǵa shegerildi, dep habarlaidy dalanews.kz.
Bul týraly «QazMunaiGaz» kompaniiasy habarlady. Kompaniia málimetinshe, sheshim ishki naryqty munai ónimderimen turaqty qamtamasyz etý úshin qabyldanǵan.
Qazirgi ýaqytta elde janar-jaǵarmaiǵa suranys joǵary bolyp otyr. Sondyqtan iri munai óńdeý zaýytynyń jumysyn ýaqytsha toqtatý keibir óńirlerde benzin men dizel otynynyń tapshylyǵyna ákelýi múmkin. «QazMunaiGaz» ókilderi bul sheshim janar-jaǵarmai tapshylyǵy týyndaǵanyn bildirmeitinin atap ótti. Bul – suranys joǵary kezeńde jetkizilimniń turaqtylyǵyn saqtaý úshin qabyldanǵan aldyn alý sharasy.
Aita keteiik, Pavlodar munai-himiia zaýytyndaǵy sońǵy josparly-aldyn alý jóndeý jumystary 2025 jyldyń shilde aiynda aiaqtalǵan bolatyn.
Kompaniia Qazaqstandaǵy munai óńdeý zaýyttarynyń jóndeýaralyq kezeńin ulǵaitý baǵytynda jumys júrgizip jatqanyn málimdedi. Máselen, Shymkent munai óńdeý zaýyty úsh jyldyq jóndeý tsikline kóshken. Mundai tájiribe Pavlodar jáne Atyraý munai óńdeý zaýyttarynda da kezeń-kezeńimen engizilip jatyr. Kompaniia ókilderiniń aitýynsha, óndiristik jabdyqtardyń senimdiligi basty nazarda qala beredi.
Sonymen qatar elde munai óńdeý kólemin ulǵaitý jospary júzege asyrylýda. Josparǵa sáikes, Pavlodar munai-himiia zaýytynyń jyldyq óńdeý qýaty qazirgi 6 mln tonnadan 9 mln tonnaǵa deiin arttyrylady. Bul ishki naryqty munai ónimderimen qamtamasyz etý múmkindigin kúsheitýge baǵyttalǵan.
