قازاقستاندا بٸرٸنشٸ سىنىپقا قۇجات قابىلداۋ جالعاسىپ جاتىر. جاڭا وقۋ جىلىندا 380 مىڭنان استام بالا العاش رەت مەكتەپ تابالدىرىعىن اتتايدى دەپ كٷتٸلۋدە.
قازٸرگٸ تاڭدا بولجانعان كٶرسەتكٸشتٸڭ شامامەن 84 پايىزى ورىندالعان. ياعني 320 مىڭعا جۋىق بالا مەكتەپكە قابىلدانىپ ٷلگەردٸ.
ولاردىڭ 296 مىڭعا جۋىعى مەملەكەتتٸك مەكتەپتەردە, ال 23 مىڭعا جۋىعى جەكەمەنشٸك بٸلٸم بەرۋ ۇيىمدارىندا وقيدى. قالالىق مەكتەپتەرگە 191 مىڭعا جۋىق, اۋىلدىق جەرلەردەگٸ مەكتەپتەرگە 128 مىڭعا جۋىق بالا قابىلدانعان.
سونىمەن قاتار بٸرٸنشٸ سىنىپقا ەرەكشە بٸلٸم بەرۋ قاجەتتٸلٸگٸ بار 4 مىڭعا جۋىق بالا تٸركەلدٸ.
قۇجات قابىلداۋ 2026 جىلعى 27 مامىردان 31 تامىزعا دەيٸن كەزەڭ-كەزەڭٸمەن جٷرگٸزٸلەدٸ. اتا-انالار ٶتٸنٸشتٸ eGov.kz پورتالى, eGov Mobile قوسىمشاسى ارقىلى نەمەسە تاڭداعان مەكتەبٸنە تٸكەلەي تاپسىرا الادى.
ٶتٸنٸشتەردٸڭ شامامەن 84 پايىزى ەلەكتروندى تٷردە بەرٸلگەن.
بٸرٸنشٸ سىنىپقا باراتىن بالالار سانى بويىنشا تٷركٸستان وبلىسى كٶش باستاپ تۇر. مۇندا 50 مىڭنان استام بٷلدٸرشٸن مەكتەپكە بارادى دەپ بولجانعان.
ال الماتى وبلىسىندا 35 مىڭنان استام, استانادا 33 مىڭ, الماتى قالاسىندا 31 مىڭنان استام, شىمكەنتتە 29 مىڭنان استام بٸرٸنشٸ سىنىپ وقۋشىسى بولادى دەپ كٷتٸلۋدە.
وقۋ-اعارتۋ مينيسترلٸگٸ اتا-انالارعا قۇجاتتاردى بەلگٸلەنگەن مەرزٸمدە تاپسىرۋدى ەسكەرتەدٸ.
