Qazaqstanda birinshi synypqa qujat qabyldaý jalǵasyp jatyr. Jańa oqý jylynda 380 myńnan astam bala alǵash ret mektep tabaldyryǵyn attaidy dep kútilýde.
Qazirgi tańda boljanǵan kórsetkishtiń shamamen 84 paiyzy oryndalǵan. Iaǵni 320 myńǵa jýyq bala mektepke qabyldanyp úlgerdi.
Olardyń 296 myńǵa jýyǵy memlekettik mektepterde, al 23 myńǵa jýyǵy jekemenshik bilim berý uiymdarynda oqidy. Qalalyq mektepterge 191 myńǵa jýyq, aýyldyq jerlerdegi mektepterge 128 myńǵa jýyq bala qabyldanǵan.
Sonymen qatar birinshi synypqa erekshe bilim berý qajettiligi bar 4 myńǵa jýyq bala tirkeldi.
Qujat qabyldaý 2026 jylǵy 27 mamyrdan 31 tamyzǵa deiin kezeń-kezeńimen júrgiziledi. Ata-analar ótinishti eGov.kz portaly, eGov Mobile qosymshasy arqyly nemese tańdaǵan mektebine tikelei tapsyra alady.
Ótinishterdiń shamamen 84 paiyzy elektrondy túrde berilgen.
Birinshi synypqa baratyn balalar sany boiynsha Túrkistan oblysy kósh bastap tur. Munda 50 myńnan astam búldirshin mektepke barady dep boljanǵan.
Al Almaty oblysynda 35 myńnan astam, Astanada 33 myń, Almaty qalasynda 31 myńnan astam, Shymkentte 29 myńnan astam birinshi synyp oqýshysy bolady dep kútilýde.
Oqý-aǵartý ministrligi ata-analarǵa qujattardy belgilengen merzimde tapsyrýdy eskertedi.
