جاڭا وقۋ جىلىندا اقتٶبە ٶڭٸرٸندە 5 630 وقۋشىعا شاقتالعان جەتٸ جاڭا مەكتەپ پايدالانۋعا بەرٸلەدٸ. ونىڭ تٶرتەۋٸ «كەلەشەك مەكتەپتەرٸ» ۇلتتىق جوباسى اياسىندا بوي كٶتەرگەن, دەپ حابارلايدى dalanews.kz.
اقتٶبە قالاسىندا «كەلەشەك مەكتەپتەرٸ» ۇلتتىق جوباسى بويىنشا سالىنعان جاڭا مەكتەپتەر التىن وردا ىقشام اۋدانى جەنە وڭتٷستٸك-باتىس-2 تۇرعىن الابىندا اشىلادى. سونداي-اق تەمٸر اۋدانىنداعى كەڭقيياق پەن شۇبارقۇدىق ەلدٸ مەكەندەرٸندە تاعى ەكٸ مەكتەپ وقۋشىلاردى قابىلدايدى.
بيىلعى وقۋ جىلىندا بالالاردى قابىلداۋعا دايىن مەكتەپتەردٸڭ بٸرٸ – التىن وردا شاعىن اۋدانىنداعى №81 جالپى بٸلٸم بەرەتٸن مەكتەپ. 900 وقۋشىعا ارنالعان بٸلٸم ورداسى 1 قىركٷيەكتە العاشقى شەكٸرتتەرٸنە ەسٸك اشادى.
جاڭا وقۋ جىلى قارساڭىندا مەكتەپتە اشىق ەسٸك كٷنٸ ٶتتٸ. ٸس-شارا بارىسىندا اتا-انالار مەن بولاشاق وقۋشىلار وقۋ كابينەتتەرٸن, زەرتحانالار مەن مەكتەپتەگٸ باسقا دا نىسانداردى ارالاپ, ولاردىڭ مٷمكٸندٸكتەرٸمەن تانىستى.
بٸلٸم ورداسىندا STEM جەنە روبوتوتەحنيكا, ينفورماتيكا, حيمييا, بيولوگييا, فيزيكا, گەوگرافييا, تٸلدەر مەن ماتەماتيكا كابينەتتەرٸ جابدىقتالعان. سونىمەن قاتار شەبەرحانالار, كٸتاپحانا, اكت زالى, حورەوگرافييا جەنە سپورت زالدارى قاراستىرىلعان.
مەكتەپ عيماراتىنىڭ جالپى اۋماعى 13 299 شارشى مەتر. قاۋٸپسٸزدٸكتٸ قامتاماسىز ەتۋ ماقساتىندا 101 تسيفرلىق بەينەباقىلاۋ كامەراسى ورناتىلعان. ونىڭ 78-ٸ عيماراتتىڭ ٸشٸندە, 23-ٸ مەكتەپ اۋماعىندا ورنالاسقان. مۇندا 250 وقۋشى مەكتەپ تابالدىرىعىن العاش رەت اتتاماق.
ۇلتتىق جوبا اياسىندا بوي كٶتەرگەن تاعى بٸر بٸلٸم ورداسى – وڭتٷستٸك-باتىس-2 تۇرعىن الابىنداعى №87 جالپى بٸلٸم بەرەتٸن مەكتەپ. 300 وقۋشىعا شاقتالعان مەكتەپكە جاڭا وقۋ جىلىندا №10 مەكتەپتەن اۋىسۋ تەرتٸبٸمەن 290 وقۋشى قابىلدانادى.
مەكتەپتە وقۋشىلارعا زاماناۋي بٸلٸم الۋعا قاجەتتٸ جاعداي جاسالعان. مۇندا STEM, روبوتوتەحنيكا, بيولوگييا, حيمييا, فيزيكا جەنە ينفورماتيكا كابينەتتەرٸ, سونداي-اق باستاۋىش سىنىپتار, تەحنولوگييا, تاريح, گەوگرافييا, ماتەماتيكا جەنە العاشقى ەسكەري دايىندىق پەندەرٸنە ارنالعان وقۋ كابينەتتەرٸ بار.
اشىق ەسٸك كٷنٸ بارىسىندا اتا-انالار مەن وقۋشىلار مەكتەپتٸڭ ينفراقۇرىلىمى جەنە ماتەريالدىق-تەحنيكالىق بازاسىمەن تانىستى.
«كەلەشەك مەكتەپتەرٸ» ۇلتتىق جوباسى اياسىندا سالىنعان تٶرت مەكتەپتەن بٶلەك, جاڭا وقۋ جىلىنا دەيٸن وبلىستا تاعى ٷش جالپى بٸلٸم بەرەتٸن مەكتەپ حالىق يگٸلٸگٸنە بەرٸلەدٸ. جاڭا بٸلٸم وشاقتارىنىڭ ٸسكە قوسىلۋى وقۋشى ورىندارىنىڭ سانىن ارتتىرىپ, حالىق سانى ٶسٸپ كەلە جاتقان ەلدٸ مەكەندەر مەن تۇرعىن الاپتاردا زاماناۋي بٸلٸم بەرۋ ينفراقۇرىلىمىنىڭ قولجەتٸمدٸلٸگٸن قامتاماسىز ەتۋگە مٷمكٸندٸك بەرەدٸ.
جالپى, «كەلەشەك مەكتەپتەرٸ» ۇلتتىق جوباسى اياسىندا اقتٶبە وبلىسىندا 2023–2026 جىلدارى جالپى سىيىمدىلىعى 11 400 ورىندىق 14 مەكتەپتٸڭ قۇرىلىسى اياقتالدى.
