اقمولا وبلىسىندا جالعان ينۆەستيتسيياعا سەنگەن ەيەل 10 ميلليون تەڭگەدەن استام اقشاسىنان ايىرىلدى. بۇل تۋرالى وبلىستىق پوليتسييا دەپارتامەنتٸ مەلٸمدەدٸ, دەپ حابارلايدى dalanews.kz.
پوليتسييا مەلٸمەتٸنشە, ساندىقتاۋ اۋدانىنىڭ تۇرعىنى ينتەرنەتتەگٸ ينۆەستيتسييالىق پلاتفورماعا تٸركەلگەننەن كەيٸن ٶزٸن "قارجى كەڭەسشٸسٸ" دەپ تانىستىرعان ادامدارمەن بايلانىسقا شىققان. ولار ەيەلگە سالعان قاراجاتىن ەسەلەپ قايتارۋعا ۋەدە بەرٸپ, اقشا اۋدارۋعا كٶندٸرگەن.
جەبٸرلەنۋشٸ مامىر مەن شٸلدە ارالىعىندا الاياقتاردىڭ ايتقانىن ورىنداپ, ەكٸ رەت نەسيە رەسٸمدەگەن. بۇعان قوسا تانىستارىنان قارىز الىپ, قولىنداعى بارلىق جيناعىن دا ينۆەستيتسيياعا سالعان. نەتيجەسٸندە كٷمەندٸ پلاتفورماعا جالپى سوماسى 10,2 ميلليون تەڭگەدەن استام قاراجات اۋدارعان.
بٸر ايدان كەيٸن عانا ەيەل تابىس تابۋدىڭ ورنىنا الاياقتاردىڭ ارباۋىنا تٷسكەنٸن تٷسٸنٸپ, پوليتسيياعا ارىزدانعان.
وقيعاعا بايلانىستى قىلمىستىق ٸس قوزعالىپ, تەرگەۋ باستالدى.
