Aqmola oblysynda jalǵan investitsiiaǵa sengen áiel 10 million teńgeden astam aqshasynan aiyryldy. Bul týraly oblystyq Politsiia departamenti málimdedi, dep habarlaidy dalanews.kz.
Politsiia málimetinshe, Sandyqtaý aýdanynyń turǵyny internettegi investitsiialyq platformaǵa tirkelgennen keiin ózin "qarjy keńesshisi" dep tanystyrǵan adamdarmen bailanysqa shyqqan. Olar áielge salǵan qarajatyn eselep qaitarýǵa ýáde berip, aqsha aýdarýǵa kóndirgen.
Jábirlenýshi mamyr men shilde aralyǵynda alaiaqtardyń aitqanyn oryndap, eki ret nesie rásimdegen. Buǵan qosa tanystarynan qaryz alyp, qolyndaǵy barlyq jinaǵyn da investitsiiaǵa salǵan. Nátijesinde kúmándi platformaǵa jalpy somasy 10,2 million teńgeden astam qarajat aýdarǵan.
Bir aidan keiin ǵana áiel tabys tabýdyń ornyna alaiaqtardyń arbaýyna túskenin túsinip, politsiiaǵa aryzdanǵan.
Oqiǵaǵa bailanysty qylmystyq is qozǵalyp, tergeý bastaldy.
