يراندا ساراپشىلار كەڭەسٸنٸڭ شەشٸمٸمەن ەلدٸڭ جاڭا جوعارعى كٶشباسشىسى بولىپ اياتوللا مودجتابا حامەنەي تاعايىندالدى, دەپ حابارلايدى Dalanews.kz
يراننىڭ IRNA اگەنتتٸگٸنٸڭ Telegram-ارناسىندا جارييالانعان قۇجاتقا سەيكەس, جاڭا كٶشباسشى كەڭەس مٷشەلەرٸنٸڭ كٶپشٸلٸك داۋسىمەن سايلانعان.
مەلٸمدەمەدە شەشٸم ەسكەري قاۋٸپ-قاتەرلەر مەن قىسىمعا قاراماستان قابىلدانعانى ايتىلعان.
«كەڭەس كەڭسەلەرٸنٸڭ بومبىلانۋى مەن ەسكەري قاۋٸپتەرگە قاراماستان, ەل باسشىسىز قالماۋى ٷشٸن جاڭا كٶشباسشىنى تاڭداۋ ٷدەرٸسٸ دەرەۋ جٷرگٸزٸلدٸ. بۇل جۇمىس ەلدٸڭ بارلىق ٶڭٸرٸندەگٸ ٶكٸلدەردٸڭ ٷيلەستٸرۋٸمەن ٶتتٸ», – دەلٸنگەن حابارلامادا.
سونداي-اق ساراپشىلار كەڭەسٸ الي حامەنەي قازا تاپقاننان كەيٸن ۋاقىتشا جۇمىس ٸستەگەن كەڭەس مٷشەلەرٸنە العىس بٸلدٸرٸپ, يران حالقىن جاڭا كٶشباسشىعا ادالدىق انتىن بەرۋگە شاقىردى.
بۇعان دەيٸن كەڭەس يراننىڭ جاڭا جوعارعى كٶشباسشىسىنىڭ ەسٸمٸن جارييالاعان بولاتىن. بۇل قىزمەتكە 56 جاستاعى مودجتابا حامەنەي, قازا تاپقان الي حامەنەيدٸڭ ۇلى تاعايىندالدى.
الي حامەنەي قازا تاپقاننان كەيٸن ەلدٸ ۋاقىتشا ٷش ادامنان تۇراتىن كەڭەس باسقارعان. ونىڭ قۇرامىندا پرەزيدەنت ماسۋد پەزەشكيان, سوت بيلٸگٸنٸڭ باسشىسى گوليام حوسەين موحسەني-ەدجەي جەنە كونستيتۋتسييانى قورعاۋ كەڭەسٸنٸڭ مٷشەسٸ اليرەزا ارافي بولعان.
