قازاق-بريتان تەحنيكالىق ۋنيۆەرسيتەتىنىڭ حيميك عالىمدارى كۇن باتارەياسىنىڭ جاڭا ءتۇرىن دايىنداۋدا. جاڭا باتارەيا يىلىگىشتىك قابىلەتكە يە. قبتۋ-دىڭ حيميالىق ينجەنەريا ءبىلىم بەرۋ ورتالىعىنىڭ جەتەكشىسى، حيميا عىلىمدارىنىڭ دوكتورى رينات ىسقاقوۆ جاڭا باتارەيانى دايىنداۋدا پوليمەردى قولدانعاندارىن العا تارتتى.  

وتاندىق عالىمدار پلەنكالىق ەلوكتروليتتىڭ بەتىندە كرەمنييدى پوليمەر كومپوزيتىمەن بىرىكتىرىپ جاڭا يننوۆاسيالىق باتارەيا جاساۋ ۇستىندە. ءوز كەزەگىندە ر.ىسقاقبايەۆ: «ءبىزدىڭ باستى ماقساتىمىز جۇمساق، جۇقا كۇن ساۋلەسىنەن قاجەتتى قۋات جيناقتايتىن ماتەريال الۋ بولىپ تابىلادى. جاڭا ماتەريالدى كولىكتەردىڭ توبەسىنە ورناتىپ، قوسىمشا قۋات الۋعا بولادى. ءتىپتى، قول سومكەلەردىڭ سىرتىن وسى ماتەريالمەن قاپتاپ، ۇيالى تەلەفوندار مەن پلانشەتتەردى كۇن كوزىنەن الىنعان قۋاتپەن قۋاتتاندىرۋعا بولادى»، – دەپ ماسەلەنىڭ ءمان-جايىن ءتۇسىندىرىپ بەردى. عالىم جاڭا كۇن باتارەياسىنىڭ وندىرىستىك نۇسقاسى ءبىر جارىم جىلدا دايىن بولاتىنىن العا تارتتى. يتتى. وسى رەتتە، قازاق عالىمدارىنىڭ دايىنداعان كۇن باتارەياسى كادۋىلگى كۇن ساۋلەسىنەن قۋات كوزىن جيناقتايتىن تاقتايشالاردان 2،5 ەسە ارزان، 5 ەسە جەڭىل ەكەنىن ايتا كەتۋىمىز كەرەك.