ەلىمىزدە ينفلياسيا 2024 جىلعى قاراشادا باياۋلاپ، ءبىر جىلدا 8،4% (2024 جىلعى قازاندا – 8،5%) قۇرادى. ءبىر ايدا ينفلياسيا تۋرا الدىڭعى ايداعىداي 0،9% ءوسىمدى قامتىدى، دەپ حابارلايدى Dalanews.kz.
باعا ءوسىمى، اتاپ ايتقاندا:
▪️اقىلى قىزمەتتەردىڭ باعاسى ءبىر جىلدا 13،3%- عا (2024 جىلعى قازاندا – 14،3%)،
▪️ازىق-تۇلىككە جاتپايتىن تاۋارلاردىڭ باعاسى – 8%-عا (2024 جىلعى قازاندا-7،8%)،
▪️ازىق-تۇلىك تاۋارلارىنىڭ باعاسى - 5،4% - عا (2024 جىلعى قازاندا-4،9%) ءوستى.
ۇلتتىق ستاتيستيكا بيۋروسىنىڭ مالىمەتىنشە، وتكەن جىلعى قاراشامەن سالىستىرعاندا تاريفتەر سۋىق سۋعا – 43،1%، سۋ بۇرۋعا – 25،7%، ىستىق سۋعا جانە ەلەكتر ەنەرگياسىنا – 21،7%-دان، ورتالىقتان جىلىتۋعا – 17،5%، تاراتۋ جەلىلەرى بويىنشا تاسىمالداناتىن گازعا – 11،7%، قوقىس شىعارۋعا 10،3% ءوستى.
- كەشەندى دەمالىستاردى ۇيىمداستىرۋ قىزمەتتەرىنە – 22،3%،
- بايلانىس قىزمەتتەرىنە – 16،8%،
- شاشتارازدار مەن جەكە قىزمەت كورسەتۋ ورىندارى قىزمەتتەرىنە – 13،1%،
- دەنساۋلىق ساقتاۋ قىزمەتتەرىنە – 12%،
- جەكە كولىك قۇرالدارىنا تەحنيكالىق قىزمەت كورسەتۋ جانە جوندەۋگە – 11،6%،
- سالت-جورا قىزمەتتەرىنە – 11،2%،
- دەمالىس جانە سپورتتىق ءىس-شارالار سالاسىنداعى قىزمەتتەرىنە – 11،1%،
- قوعامدىق تاماقتاندىرۋ قىزمەتتەرىنە 9،6% جوعارىلادى.
جولاۋشىلار تەمىر جول كولىگىمەن جول ءجۇرۋ – 24،5%، قالالىق اۆتوبۋسپەن 11،8% قىمباتتادى. تۇرعىن ءۇيدى جالعا الۋ تولەمى 9،6% ءوستى.
سونداي-اق قاتتى ءوسىم مىنا سالالاردا بايقالدى:
- قۇرىلىس ماتەريالدارىنا 5،9%،
- اعاش – 15،3%،
- سۇيىتىلعان گاز باللونداعى – 9،2%،
- تاس كومىر 8،5% قىمباتتادى.
ازىق-تۇلىك
باعانىڭ ءوسۋى كارتوپقا – 28،2%، قيارلارعا – 25،9%، قىزاناقتارعا – 25،5%، تەمەكى ونىمدەرىنە – 15،8%، باستى پيازعا – 15،5%، مينەرالدى جانە اۋىز سۋعا – 13،9%، كونديتەرلىك ونىمدەرگە – 12،5%، سالقىنداتىلعان سۋسىندارعا – 11،3%، جەمىس جانە كوكونىس شىرىندارعا 10،2% بەلگىلەندى.
باعانىڭ تومەندەۋى قاراقۇمىق جارماسىنا – 21،6%، سابىزگە – 10،2%، اق قاۋداندى قىرىققاباتقا – 8،5%، كۇنباعىس مايىنا 5،3% بايقالدى.
وڭىرلەر بولىنىسىندە 2024 جىلعى قازاندا ينفلياسيا جىلدىق ماندە ورتاشا رەسپۋبليكالىق دەڭگەيدەن اساتىن 10 وڭىردە قالىپتاستى، ولاردىڭ ىشىنەن ەڭ جوعارى باعا استانا قالاسىندا (10،3%)، ماڭعىستاۋ جانە سولتۇستىك قازاقستان وبلىسىندا (9،4%-دان) تىركەلدى.
