Elimizde infliatsiia 2024 jylǵy qarashada baiaýlap, bir jylda 8,4% (2024 jylǵy qazanda – 8,5%) qurady. Bir aida infliatsiia týra aldyńǵy aidaǵydai 0,9% ósimdi qamtydy, dep habarlaidy Dalanews.kz.
Baǵa ósimi, atap aitqanda:
▪️aqyly qyzmetterdiń baǵasy bir jylda 13,3%- ǵa (2024 jylǵy qazanda – 14,3%),
▪️azyq-túlikke jatpaityn taýarlardyń baǵasy – 8%-ǵa (2024 jylǵy qazanda-7,8%),
▪️azyq-túlik taýarlarynyń baǵasy - 5,4% - ǵa (2024 jylǵy qazanda-4,9%) ósti.
Ulttyq statistika biýrosynyń málimetinshe, ótken jylǵy qarashamen salystyrǵanda tarifter sýyq sýǵa – 43,1%, sý burýǵa – 25,7%, ystyq sýǵa jáne elektr energiiasyna – 21,7%-dan, ortalyqtan jylytýǵa – 17,5%, taratý jelileri boiynsha tasymaldanatyn gazǵa – 11,7%, qoqys shyǵarýǵa 10,3% ósti.
- Keshendi demalystardy uiymdastyrý qyzmetterine – 22,3%,
- bailanys qyzmetterine – 16,8%,
- shashtarazdar men jeke qyzmet kórsetý oryndary qyzmetterine – 13,1%,
- densaýlyq saqtaý qyzmetterine – 12%,
- jeke kólik quraldaryna tehnikalyq qyzmet kórsetý jáne jóndeýge – 11,6%,
- salt-jora qyzmetterine – 11,2%,
- demalys jáne sporttyq is-sharalar salasyndaǵy qyzmetterine – 11,1%,
- qoǵamdyq tamaqtandyrý qyzmetterine 9,6% joǵarylady.
Jolaýshylar temir jol kóligimen jol júrý – 24,5%, qalalyq avtobýspen 11,8% qymbattady. Turǵyn úidi jalǵa alý tólemi 9,6% ósti.
Sondai-aq qatty ósim myna salalarda baiqaldy:
- qurylys materialdaryna 5,9%,
- Aǵash – 15,3%,
- suiytylǵan gaz ballondaǵy – 9,2%,
- tas kómir 8,5% qymbattady.
AZYQ-TÚLIK
Baǵanyń ósýi kartopqa – 28,2%, qiiarlarǵa – 25,9%, qyzanaqtarǵa – 25,5%, temeki ónimderine – 15,8%, basty piiazǵa – 15,5%, mineraldy jáne aýyz sýǵa – 13,9%, konditerlik ónimderge – 12,5%, salqyndatylǵan sýsyndarǵa – 11,3%, jemis jáne kókónis shyryndarǵa 10,2% belgilendi.
Baǵanyń tómendeýi qaraqumyq jarmasyna – 21,6%, sábizge – 10,2%, aq qaýdandy qyryqqabatqa – 8,5%, kúnbaǵys maiyna 5,3% baiqaldy.
Óńirler bólinisinde 2024 jylǵy qazanda infliatsiia jyldyq mánde ortasha respýblikalyq deńgeiden asatyn 10 óńirde qalyptasty, olardyń ishinen eń joǵary baǵa Astana qalasynda (10,3%), Mańǵystaý jáne Soltústik Qazaqstan oblysynda (9,4%-dan) tirkeldi.
