باسقوسۋدا قازاقستان حالقى اسسامبلەياسى حاتشىلىعى مەڭگەرۋشىسىنىڭ ورىنباسارى ينديرا رىستينا:
– وتپەلى كەزەڭ ءالى جالعاسۋدا. بۇل دەگەنىمىز ادام ساناسىنىڭ ويلاۋ قابىلەتى مەن ونىڭ بيلىككە دەگەن قارىم-قاتىناسى جانە ءوزىنىڭ ازامات رەتىندە قالىپتاسۋىنىڭ وتپەلى كەزەڭى بولىپ جاتىر دەگەن ءسوز.
ءبىزدىڭ ەلىمىزدە كوپ جاعدايدا حالىق وزدەرىن ءالى كۇنگە دەيىن مەملەكەتتىڭ ازاماتى رەتىندە ەمەس، مەملەكەتتىك قىزمەتتى تۇتىنۋشى رەتىندە عانا قابىلدايدى.
بۇل ەكى ۇعىمنىڭ اراسىنداعى ايىرماشىلىق – ازامات بۇل مەملەكەتتىڭ دامۋى ءۇشىن بارىنشا ات سالىسىپ ءوزىن مەملەكەتتىڭ ءبىر قۇرالى رەتىندە قابىلداسا، ال مەملەكەتتىك قىزمەتتى تۇتىنۋشى بۇل مەملەكەت ماعان نە بەرە الادى دەگەن كونسەپسيامەن ويلايدى.
وسى كەزدە دەليبەراتيۆتى دەموكراتيا ينستيتۋتتارىنىڭ ەنۋى وتە ماڭىزدى. دەليبەراتيۆتى دەموكراتيا ينستيتۋتتارى ارقىلى ءبىز ازاماتتارىمىزعا ازامات رەتىندە ويلاۋعا مۇمكىندىك بەرە الامىز. ياعني، مەملەكەتتى تەك قانا قولىندا مانداتى بار، نە بولماسا قانداي دا ءبىر لاۋازىمى بار كەزدە عانا ويلاماي، ازامات رەتىندە مەملەكەتكە قانداي پايدا اكەلە الامىن دەگەن سۇراقتارعا جاۋاپ ىزدەيدى.
وتپەلى قوعام ينستيتۋتى رەتىندە ءقازىر ءبىز وسى فۋنكسيانى ورىنداپ، ونىڭ بارلىعىن دا ونلاين فورماتقا اۋىسىتىرۋىمىز كەرەك، – دەدى.
وتىرىس بارىسىندا ساراپشىلار جاڭا ينستيتۋتتىڭ قانداي فۋنكسيالارى مەن وكىلەتتىكتەرى بولۋى ءتيىس ەكەندىگى تۋرالى ءوز كوزقاراسىن ايتىپ، پىكىرلەرىمەن ءبولىستى. سونداي-اق وتىرىسقا قاتىسۋشىلار قوعام مەن مەملەكەت اراسىندا تۇراقتى كەرى بايلانىستى قالىپتاستىرۋ جونىندەگى قادامداردى تالقىلادى.
