Basqosýda Qazaqstan halqy Assambleıasy hatshylyǵy meńgerýshisiniń orynbasary Indıra Rystına:
– Ótpeli kezeń áli jalǵasýda. Bul degenimiz adam sanasynyń oılaý qabileti men onyń bılikke degen qarym-qatynasy jáne óziniń azamat retinde qalyptasýynyń ótpeli kezeńi bolyp jatyr degen sóz.
Bizdiń elimizde kóp jaǵdaıda halyq ózderin áli kúnge deıin memlekettiń azamaty retinde emes, memlekettik qyzmetti tutynýshy retinde ǵana qabyldaıdy.
Bul eki uǵymnyń arasyndaǵy aıyrmashylyq – azamat bul memlekettiń damýy úshin barynsha at salysyp ózin memlekettiń bir quraly retinde qabyldasa, al memlekettik qyzmetti tutynýshy bul memleket maǵan ne bere alady degen konsepsıamen oılaıdy.
Osy kezde delıberatıvti demokratıa ınstıtýttarynyń enýi óte mańyzdy. Delıberatıvti demokratıa ınstıtýttary arqyly biz azamattarymyzǵa azamat retinde oılaýǵa múmkindik bere alamyz. Iaǵnı, memleketti tek qana qolynda mandaty bar, ne bolmasa qandaı da bir laýazymy bar kezde ǵana oılamaı, azamat retinde memleketke qandaı paıda ákele alamyn degen suraqtarǵa jaýap izdeıdi.
Ótpeli qoǵam ınstıtýty retinde qazir biz osy fýnksıany oryndap, onyń barlyǵyn da onlaın formatqa aýysytyrýymyz kerek, – dedi.
Otyrys barysynda sarapshylar jańa ınstıtýttyń qandaı fýnksıalary men ókilettikteri bolýy tıis ekendigi týraly óz kózqarasyn aıtyp, pikirlerimen bólisti. Sondaı-aq otyrysqa qatysýshylar qoǵam men memleket arasynda turaqty keri baılanysty qalyptastyrý jónindegi qadamdardy talqylady.
