يليا يلين ەرمەگيياەۆتٸ قولداۋ ٷشٸن سوتقا كەلدٸ
ايتا كەتەيٸك, اتالعان سوت پروتسەسٸ استاناداعى ارنايىلاندىرىلعان اۋدانارالىق قىلمىستىق ٸستەر جٶنٸندەگٸ سوتتا ٶتٸپ جاتىر.
"شىنىمدى ايتايىن, وسىناۋ جاڭالىقتى ەستٸگەنٸمدە جاعىمسىز كٷيدە بولدىم. تالعات ەرمەگيياەۆتٸ بٸلٸكتٸ باسشى رەتٸندە بٸلەمٸن. 2012 جىلى ونىمەن جاقسى جۇمىس ٸستەستٸك, وليمپيادانىڭ ەكٸ دٷركٸن چەمپيونىن ەلگە الىپ ەلدٸك. بۇل ٸس بويىنشا ەشنەرسە بٸلمەيمٸن, ايتا دا المايمىن. ال, ادام رەتٸندە ول ٶتە جاقسى كٸسٸ, ەكەۋمٸز دوس بولدىق. مۇنداي باسشىنى بۇرىن كٶپ كٶرمەگەنمٸن" دەدٸ يلين سوت پروتسەسٸندەگٸ ٷزٸلٸس كەزٸندە.
اۋىراتلەتتٸڭ ايتۋىنشا, ول ەرمەگيياەۆتٸ تەك جاقسى جاعىنان عانا بٸلەدٸ. لوندوندا وعان ارتىلعان تاپسىرمانى ەرمەگيياەۆ اسىرا ورىندادى دەيدٸ يلين. نەتيجەسٸندە, قازاقستان قۇراماسى ەلگە 15 مەدالمەن ورالدى. بۇرىن-سوڭدى بٸزدٸڭ سپورتشىلار مۇنداي كٶرسەتكٸشكە قول جەتكٸزبەگەن.
ەستەرٸڭٸزگە سالايىق, 2012 جىلعى لوندون وليمپياداسى تۇسىندا تالعات ەرمەگيياەۆ قر سپورت جەنە دەنە شىنىقتىرۋ اگەنتتٸگٸنٸڭ تٶراعاسى قىزمەتٸن اتقارعان بولاتىن. مۇنان كەيٸن ول "استنا ەكسپو-2017" ۇلتتىق كومپانيياسىنا تٶراعا بولىپ اۋىستى. ەرمەگيياەۆقا وسى كومپانييانىڭ قارجىسنا قول سالدى دەگەن ايىپ تاعىلىپ وتىر.
دەرەككٶزٸ: sn.kz
