"ەر شاقىرىمىنا 35 تەڭگەدەن تٶلەيدٸ" دەگەن ەڭگٸمەنٸ ەستٸگەن جٷرگٸزۋشٸلەر جاپپاي نارازىلىققا شىعىپ جاتىر, دەپ حابارلايدى Dalanews.kz كتك ارناسىنا سٸلتەپ.
الماتى قالاسىنىڭ شىعابەرٸسٸندەگٸ دەمحانانىڭ الدىنا توپتاسقاندار – ايلىعىن الىس جولعا شىعۋدان تاباتىن جٷرگٸزۋشٸلەر. پوليتسەيلەر جٷك كٶلٸگٸن مۇندا قاڭتارۋعا رۇقسات بەرمەگەن سوڭ جاياۋ-جالپىلاپ جەتتٸ. تالاپ – تاس جولداعى تاريفتٸ كٶتەرمەۋ.
"الماتىدان ورالعا دەيٸن 80 مىڭ تٶلەۋ كەرەك ەكەن. قىزىلوردا مەن جەزقازعان ورتاسىندا مٷلدەم جول جوق. ٶزٸمٸزدەگٸ قاراعاندى, الماتى, نۇر-سۇلتاندا دا جول جوق. ول جولداردى قالاي اقىلى قىلادى? حالىقتىڭ بەرٸ سوعان نارازى", - دەيدٸ جٷرگٸزۋشٸ راميل كۋليەۆ.
داۋدىڭ باسى "قازاۆتوجولدىڭ" ۇزىندىعى التى مىڭ شاقىرىمعا جۋىق 18 جول بٶلٸگٸ 1 ماۋسىمنان باستاپ اقىلى بولادى دەگەن حابارىنان باستالدى. الدىن الا ينتەرنەتپەن تٶلەم جاساسا – 25 تەڭگە, بەكەتتە اقىسىن تٶلەسە, شاقىرىمىنا 35 تەڭگە تٶلەۋٸ كەرەك دەگەن حابار قۇلاققا تٷرپٸدەي تيگەن. جٷرگٸزۋشٸلەر مۇنداي اقىنى الىپ تاستاماسا, جولدى جاۋىپ تاستاۋعا دايىن.
"حالىققا ٶزدەرٸ تيٸسٸپ وتىر عوي. ٷكٸمەت سولياركا باعاسىن كٶتەرٸپ, نەعىپ جاتسىڭ دەپ شۇقىپ جاتىر. قارنى توق بولسا, قاراپايىم حالىق شىرىلدامايدى, ەشقايدا شىقپايدى", - دەيدٸ جٷرگٸزۋشٸ قۋات بايجۇماەۆ.
اقتٶبە وبلىسىندا دا 300-گە جۋىق جٷرگٸزۋشٸ تالاپ-تٸلەگٸن ايتۋعا سامارا-شىمكەنت تراسساسىنا جينالدى. "جولعا شىعىپ قوزعالىسقا كەدەرگٸ جاسادى" دەگەن جەلەۋمەن 11 ادامدى پوليتسييا ۋچاسكەسٸنە الىپ كەتتٸ. سولاردىڭ اراسىندا ايىپپۇل ارقالاعانداردىڭ بٸرٸ – مەدەت قۋاتوۆ زاڭعا قايشى ەشنەرسە ٸستەمەدٸك, كەرٸسٸنشە, بٸزدٸ قىسپاققا الدى دەيدٸ.
"پوليتسييا بٶلٸمشەسٸنٸڭ باستىقتارى قىسىم جاساپ, بٸزدٸ ومون-مەن كەلٸپ الىپ كەتتٸ. ەندٸ شىعاتىن بولساڭدار, قامايمىز دەپ ايتتى. بٸزگە ايىپپۇل سالدى", - دەيدٸ جٷرگٸزۋشٸ مەدەت قۋاتوۆ.
ال كەشە عانا "اتىراۋ-اقتاۋ" تاس جولىنىڭ بويىندا جٷك كٶلٸگٸنٸڭ جٷرگٸزۋشٸلەرٸ شۋ شىعارسا, بٷگٸن قالا ٸشٸندە باس كٶتەردٸ. بەرٸنٸڭ بازىناسى بٸر – جولعا تٶلەنەتٸن اقىنى شاقىرىمىنا 5 تەڭگەدەن جوعارى كٶتەرمەۋ. جينالعان توپ باتىس ايماقتا تۇراتىن اۋىر جٷك تاسيتىن كٶلٸك جٷرگٸزۋشٸلەرٸن وبلىس اۋماعىندا تەگٸن جٷرگٸزۋدٸ تالاپ ەتٸپ وتىر.
"قازٸر جول تەگٸن. قاسىنان اقىلى جول سالسىن. جول كەرەمەت بولسا, بەرٸ سونىمەن جٷرەدٸ. قاۋٸپتٸ جولمەن جٷرگەنشە, جاقسى جولمەن جٷرگەن جاقسى ەمەس پە, دۇرىس پا? ٶز باسىم ساپالى جول سالىپ بەرسە, سونىمەن جٷرەمٸن", - دەيدٸ ەربولات بايعابىلوۆ.
ماڭعىستاۋ وبلىسىندا دا جٷرگٸزۋشٸلەر وسىمەن ايتقانىنان قايتپاي, نارازىلىق شاراسىن جالعاستىرىپ جاتىر. بۇل ايماقتا اتىراۋدان اقتاۋعا دەيٸن, بەينەۋ اۋدانىنان ٶزبەكستان شەكاراسىنا دەيٸنگٸ جول اقىلى بولماق. كٷرەجول ارقىلى وبلىسقا ازىق-تٷلٸكتٸڭ 80% سىرتتان تاسىمالدانادى. ەگەر جولدى اقىلى قىلسا, وندا تاماق تا قىمباتتاۋى مٷمكٸن, دەيدٸ جينالعاندار.
"قازٸرگٸ قيىن زاماندا جولدى اقىلى قىلۋ دۇرىس ەمەس. حالىقپەن كەلٸسۋ كەرەك ەدٸ. حالىقتىڭ جاعدايى مەز ەمەس. ٶزدەرٸڭ بٸلەسٸڭدەر, كرەديت تٶلەۋ كەرەك. حالىقتى قىسا بەرگەندٸ دوعارۋ كەرەك, حالىقتا ەشتەڭە قالعان جوق", - دەپ اشىندى جٷرگٸزۋشٸلەردٸڭ بٸرٸ.
رەسپۋبليكا بويىنشا نارازىلىققا شىققان جٷرگٸزۋشٸلەردٸ "قازاۆتوجول" سابىرعا شاقىرادى. ماۋسىمنان باستاپ 18 ۋچاسكە اقىلى بولادى دەگەن حاباردى راستاعانمەن, بەرٸنە بٸردەي ايدىڭ باسىنان تٶلەم الىنبايدى. جٶندەۋ كٶبٸندە اياقتالماعان. ال جٷرگٸزۋشٸلەر ايتقانداي شاقىرىمىنا 35 تەڭگە تٶلەيدٸ دەگەن جاڭا تاريف بەكٸتٸلمەدٸ دەيدٸ.
"2013 جىلدان باستاپ تاريف ٶزگەرگەن جوق. جەڭٸل كٶلٸك ٷشٸن ەر شاقىرىمىنا بٸر تەڭگە. جٷك كٶلٸكتەرٸنە 5-25 ارالىعىندا. ول تيەپ العان جٷگٸنە بايلانىستى. بٸزدە جٷك كٶلٸكتەرٸ التى ساناتقا بٶلٸنەدٸ", - دەپ تٷسٸندٸردٸ "قازاۆتوجول" ۇق" اق رەسمي ٶكٸلٸ دياس احمەتشەرٸپ.
"قازاۆتوجولدىڭ" بۇل جاۋابى جٷرگٸزۋشٸلەرگە جۇباتۋ بولماي تۇر. اقىلى ەتكٸزٸلەتٸن 18 جول بٶلٸگٸنٸڭ بەرٸنٸڭ وي-شۇڭقىرى بٸتەلٸپ, تاقتايداي سايراپ جاتپاعانىن باسقاسى باسقا, ولار كٷندە كٶزٸمەن كٶرٸپ, ازابىن تارتىپ جٷر. نارازىلىق تولقۋعا ۇلاسپاس ٷشٸن "قازاۆتوجول" كومپانيياسى جۇمىس توبى قۇرىلعانىن, بارلىق شاعىمدى تىڭداۋعا دايىن ەكەندٸگٸن جەتكٸزٸپ, ەزٸرگە ەڭگٸمەنٸ جىلى جاپتى.
https://www.youtube.com/watch?v=k7N892C4oQo
