حقو جۇمىسىنىڭ جاڭا فورماتى
ەندى قازاقستاندىقتار حقو-دا ەلەكتروندى فورماتتا قولجەتىمسىز، «قاعاز» جۇزىندەگى قىزمەتتەردى عانا الا الادى. بۇل شامامەن 100 مەملەكەتتىك قىزمەت، ولاردى الۋ ءۇشىن حقو-عا بارۋ قاجەت. سونداي-اق، حقو-دان egov.kz پورتالى ارقىلى ونلاين تۇردە راسىمدەلگەن قىزمەتتەردىڭ دايىن ناتيجەسىن الۋعا بولادى.
حقو-عا ەندى الدىن الا برونداۋ ارقىلى عانا بارۋعا بولادى. ايتا كەتۋ كەرەك، وزگەرىستەر تەك نۇر-سۇلتان، الماتى جانە شىمكەنت قالالارى مەن وبلىس ورتالىقتارىندا ورنالاسقان حقو-لاردى قامتيدى. اۋدان ورتالىقتارىندا جانە اۋىلدى ەلدىمەكەندەردە ورنالاسقان حقو-لار بۇرىنعىداي جۇمىس ىستەيتىن بولادى.
حقو-لار قايتا ىسكە قوسىلعان ايماقتار
20 مامىرداعى جاعداي بويىنشا قازاقستاندا ايماقتىق شتابتاردىڭ رۇقساتىمەن 10 ءوڭىردىڭ حقو-لارى تولىعىمەن جۇمىس ىستەيدى باستادى، بۇلار – نۇر-سۇلتان قالاسى مەن اقمولا، اقتوبە، الماتى، قاراعاندى، قوستاناي، قىزىلوردا، تۇركىستان، سولتۇستىك قازاقستان جانە پاۆلودار وبلىستارى.
الماتى، شىمكەنت، اتىراۋ جانە شىعىس قازاقستان وبلىستارى اكىمدىكتەرىنىڭ شەشىمىمەن اتالعان وڭىرلەردە تەك بيزنەس وكىلدەرىنە قىزمەت كورسەتەتىن حقو-لار اشىلدى. جامبىل وبلىسىنداعى حقو-لار ءالى جۇمىس ىستەمەيدى.
كەزەككە تاپسىرىس بەرۋ
حالىققا قىزمەت كورسەتۋ ورتالىعىنا باراردا كەزەك ۋاقىتىنا تاپسىرىس بەرۋ ءۇشىن Egov.kz ەلەكتروندى ۇكىمەت پورتالىن، eGovKzBot2.0 تەلەگرام-بوتىن پايدالانۋعا نەمەسە 1414 نومىرىنە قوڭىراۋ شالۋعا بولادى (قوڭىراۋ شالۋ تەگىن).
برون قىزمەت الۋشىنىڭ ءجسن-ىن تىركەۋ ارقىلى جاسالادى. ەگەر ازامات حالىققا قىزمەت كورسەتۋ ورتالىعىنا باراتىن ۋاقىتىن الدىن الا بەلگىلەمەسە، كەزەكتى سول جەردە برونداۋ ۇسىنىلادى. الايدا قابىلداۋ ءدال سول ۋاقىتتا بولاتىنىنا كەپىلدىك بەرىلمەيدى. بۇل جاعدايدا ازامات وزگە بوس ۋاقىتقا كەزەككە تاپسىرىس بەرۋى كەرەك بولادى.
ەلەكتروندى قىزمەتتەردى الۋداعى كومەك
Egov.kz پورتالىندا قولجەتىمدى بارلىق مەملەكەتتىك قىزمەتتىڭ 80%-دان استامىن قازاقستاندىقتار ءوز ۇيىنەن نەمەسە كەڭسەدەن الا الادى. ول ءۇشىن ەلەكتروندى سيفرلىق قولتاڭباسى (ەسق) بولسا بولعانى. قازىرگى ۋاقىتتا ەسق-نى دا egov.kz پورتالىندا الۋ مۇمكىندىگى بار.
سونداي-اق، كەيبىر قىزمەتتەر مەن سەرۆيستەردى ەسق-سىز، ءبىر رەتتىك ءقۇپياسوزدىڭ كومەگىمەن الۋعا بولادى. ول ءۇشىن ءموبيلدى ازاماتتار بازاسىندا تىركەلۋ قاجەت.
قىزمەتتەردى ونلاين الۋ بويىنشا سۇراقتار تۋىنداعان جاعدايدا قازاقستاندىقتار 1414 ءبىرىڭعاي بايلانىس ورتالىعىنىڭ نەمەسە پورتالداعى ۆيرتۋالدى اسسيستەنتتىڭ كومەگىنە جۇگىنە الادى.
ەندى ازاماتتارعا ارنالعان ۇكىمەت وپەراتورلارى قازاقستاندىقتارعا egov.kz پورتالىنداعى بەينە قوڭىراۋ ارقىلى تىكەلەي كەڭەس بەرە الادى.
ول ءۇشىن پاراقشانىڭ وڭ جاق تومەنگى بۇرىشىنداعى «ۆيرتۋالدى اسسيستەنت» باتىرماسىن باسۋ قاجەت. اشىلعان تەرەزەدەن بەينەكامەرانىڭ بەلگىسىن تاڭداڭىز. ودان ءارى جۇيە ۆيدەوكامەرانىڭ جانە ميكروفوننىڭ قوسىلۋىنا رۇقسات سۇرايدى – «رۇقسات ەتۋ» قاجەت.
حقو وپەراتورى كليەنتپەن بىرنەشە سەكۋند ىشىندە بايلانىسقا شىعادى. وسىدان كەيىن «ەكراندى كورسەتۋ»، ءارى قاراي «ءبولىسۋ» باتىرمالارىن باسۋ كەرەك. وسىلايشا، حقو بەينەوپەراتورى ابونەنت مونيتورىن كورە الادى جانە وعان كەز كەلگەن قىزمەتتى جىلدام الۋعا كومەكتەسەدى.
Egov بۇرىشتارى
سونىمەن قاتار، كومپيۋتەرى نەمەسە ينتەرنەتكە شىعۋ مۇمكىندىگى جوق جوق قازاقستاندىقتار ءۇشىن حقو عيماراتتارىنان بولەك 328 وزىنە-وزى قىزمەت كورسەتۋ بۇرىشتارى اشىلدى. ولار اۋداندىق اكىمدىكتەردىڭ عيماراتتارىندا، وقۋ ورىندارىندا، مەديسينا ۇيىمدارىندا، ساۋدا-ويىن-ساۋىق ورتالىقتارىندا جانە ت. ب. نىسانداردا ورنالاسقان. الداعى ۋاقىتتا مۇنداي بۇرىشتار سانى تەك ارتاتىن بولادى.
ءۇش ساناتتاعى ازاماتتار – زەينەتكەرلەر، كوپ بالالى وتباسىلار، مۇمكىندىگى شەكتەۋلى ازاماتتار ەلەكتروندىق قىزمەتتەردى حقو-نىڭ جەڭىلدىك تەرەزەسى ارقىلى الا الادى.
