حالىقارالىق ينجەنەرلىك-تەحنولوگيالىق ۋنيۆەرسيتەتىنىڭ رەكتورى، قاۋىمداستىرىلعان پروفەسسور گ.ءا. سارسەنبەكوۆا عىلىم مەن ءبىلىم ينتەگراسياسىنىڭ، تەحنولوگيالار ترانسفەرتىنىڭ ماڭىزدىلىعىنا توقتالدى. وسى ورايدا بۇگىندە ەلىمىزدە قازاقستان رەسپۋبليكاسىنىڭ عىلىم جانە جوعارى ءبىلىم مينيسترلىگىنىڭ تىكەلەي باستاماسىمەن «عىلىم جانە تەحنولوگيالىق ساياسات تۋرالى» زاڭ جوباسى دايىندالىپ جاتقانىن اتاپ، بۇل جوبانىڭ ءبىلىم، عىلىم، يننوۆاسيا بىرلەسكەن ۇشتىگىنىڭ العا دامۋىنا ۇلكەن سەرپىن بەرەتىنىن، سونىڭ ىشىندە ۋنيۆەرسيتەتتىك عىلىمنىڭ دامۋىنا داڭعىل جول اشاتىندىعىنا ەركەشە توقتالىپ ءوتتى. سونىمەن قاتار حيتۋ رەكتورى گۇلنار سارسەنبەكوۆا وسى اتالعان جوبانىڭ جۇزەگە اسۋىنا ۋنيۆەرسيتەت عالىمدارى اتسالىسىپ جاتقانىن جەتكىزدى.
ۋنيۆەرسيتەت باسشىسى ءوز سوزىندە بۇگىنگى دوڭگەلەك ۇستەل يننوۆاسيالىق بىرلەسكەن ازىرلەمەلەردىڭ ۇدەتكىشىنە اينالاتىنىن، جاڭا تەحنولوگيالاردى ەنگىزۋدى كەڭەيتۋدە شەشىمدەردى تابۋعا، عىلىم، ءبىلىم جانە ءوندىرىس سەكتورىن بىرىكتىرۋ ارقىلى يننوۆاسيالىق بەلسەندىلىكتى ىنتالاندىرۋ جولىمەن عىلىمي ناتيجەلەردى كوممەرسيالاندىرۋعا كومەكتەسەتىنىن جەتكىزدى.
دوڭگەلەك ۇستەل جۇمىسى اياسىندا قازاقستان رەسپۋبليكاسىنىڭ جەتەكشى عالىمدارى، بيزنەس-قۇرىلىم وكىلدەرى – «ميكروبيولوگيا جانە ۆيرۋسولوگيا عىلىمي-وندىرىستىك ورتالىعى» ج ش س باس ديرەكتورى، ب.ع.د.، پروفەسسور ا.ق. سادانوۆ، «جازكەن جيەمبايەۆ اتىنداعى قازاق وسىمدىك قورعاۋ جانە كارانتين عىلىمي-زەرتتەۋ ينستيتۋتى» ج ش س باسقارما ءتوراعاسى ب.ءا. دۇيسەمبەكوۆ، «ۇلتتىق زياتكەرلىك مەنشىك ينستيتۋتى» رمك الماتى قالاسى فيليالىنىڭ ديرەكتورى ز.و. ورىنبەكوۆا، «Global System Products» ج ش س، «JOLTAB» كومپانيالارىنىڭ ديرەكتورى س.امان جانە ت.ب. باياندامالار جاسادى. «جازكەن جيەمبايەۆ اتىنداعى قازاق وسىمدىك قورعاۋ جانە كارانتين عىلىمي-زەرتتەۋ ينستيتۋتى» ج ش س باسقارما ءتوراعاسى ب.ءا. دۇيسەمبەكوۆ ءوز بايانداماسىندا ينستيتۋت عالىمدارى اۋىل شارۋاشىلىعىنا سيفرلىق تەحنولوگيالاردى ەنگىزۋ بويىنشا جۇمىستاردى باستاپ كەتكەنىن اتادى.
م.م. ادىشيەۆ اتىنداعى وش تەحنولوگيالىق ۋنيۆەرسيتەتىنىڭ عىلىم جانە يننوۆاسيا بويىنشا پرورەكتورى، اۋىل شارۋاشىلىعى عىلىمدارىنىڭ دوكتورى، پروفەسسور ن.ت. تاناكوۆ، فەدەرالدى مەملەكەتتىك بيۋدجەتتىك جوعارى ءبىلىم بەرۋ مەكەمەسى «رەسەي بيوتەحنولوگيالىق ۋنيۆەرسيتەتى» (رەسبيوتەح) رەسەي عىلىم اكادەمياسىنىڭ اكادەميگى ي.ا. روگوۆ اتىنداعى قولدانبالى بيوتەحنولوگيا ينستيتۋتىنىڭ ديرەكتورى ت.ن. دانيلچۋك، ىستامبۇل تەحنيكالىق ۋنيۆەرسيتەتى اقپاراتتىق تەحنولوگيالار ينستيتۋتىنىڭ ديرەكتورى ح. مۇستافا ستۋدەنتتەردىڭ عىلىمي-زەرتتەۋ جۇمىستارىن ناسيحاتتاۋ، قولدانبالى بيوتەحنولوگيا سالاسىندا ءبىلىم بەرۋ ۇدەرىسىن جانە ستۋدەنتتەردىڭ عىلىمي جۇمىستارىن دامىتۋ سونىمەن بىرگە، Multicopter Platforms مونيتورينگ جۇيەسىن قازاقستان نارىعىندا ىسكە قوسۋ بويىنشا ءوز ۇسىنىستارىن جەتكىزدى.
قازاقستاننىڭ تۇراقتى دامۋىن ىنتالاندىراتىن جوعارى تەحنولوگيالىق تەحنولوگيالاردىڭ قارقىندى ءوسۋىن قامتاماسىز ەتۋ ماقساتىندا حالىقارالىق ينجەنەرلىك-تەحنولوگيالىق ۋنيۆەرسيتەتى مەن عىلىمي-زەرتتەۋ ينستيتۋتتارىن شوعىرلاندىرۋ ماسەلەلەرى تالقىلاندى. دوڭگەلەك ۇستەلگە قاتىسۋشىلار ۆەنچۋرلىق قارجىلاندىرۋ سەكتورىن دامىتۋدىڭ، زياتكەرلىك مەنشىكتى قورعاۋدىڭ، عىلىمي زەرتتەۋلەر مەن يننوۆاسيالاردى قولداۋدىڭ ماڭىزدىلعىنا، سونداي-اق عىلىمي ازىرلەمەلەردى كوممەرسيالاندىرۋدىڭ قازاقستاندىق ۇلگىسىندەگى بيزنەستىڭ رولىنە توقتالدى.
