كٷننٸڭ سۋىقتىعى مەن قۋاڭشىلىق اۋعانستانداعى ازىق-تٷلٸك داعدارىسىن ودان سايىن تەرەڭدەتە تٷسەدٸ, – دەپ ەسكەرتتٸ بۇۇ ساراپشىلارى بي-بي-سي تەلەارناسىنا.
"اۋعان حالقىنىڭ توقسان بەس پايىزى تاماق تاپپاي وتىر, ال بٸز اشىققان جۇرتتىڭ اجالعا قاراي بەت العانىن باقىلاپ قانا وتىرمىز. الداعى التى اي اۋعانستان ٷشٸن جەردەگٸ توزاققا اينالادى", – دەدٸ دٷنيەجٷزٸلٸك ازىق-تٷلٸك باعدارلاماسىنىڭ اتقارۋشى ديرەكتورى دەۆيد بيسلي. ول جاقىندا عانا كابۋلدان ورالدى.
بيىل تامىزدا باتىس ەلدەرٸ اۋعانستانعا ازىق-تٷلٸك پەن دەرٸ-دەرمەك بەرۋٸن توقتاتتى, ٶيتكەنٸ ولار "تاليبان" قوزعالىسىمەن بايلانىس ورناتقىسى كەلمەيدٸ.
كابۋلدان 50 شاقىرىم جەردەگٸ ۆارداك پروۆينتسيياسىندا بٸرنەشە جٷز ادام ۇن كەزەگٸندە تۇر. بۇۇ دٷنيەجٷزٸلٸك ازىق-تٷلٸك باعدارلاماسى ۇسىنعان كٶمەكتەن ۇن عانا قالعان.
"قىس جاقىنداپ قالدى. نان پٸسٸرەتٸن ەشتەڭە بولماسا, قىستان قالاي شىعارىمىزدى بٸلمەيمٸن", – دەيدٸ كەزەكتە تۇرعان قارت.
تۇرعىنداردىڭ كەيبٸرٸ اقشا تابۋ ٷشٸن قىزدارىن ساتقان.
دەۆيد بيسلي حالىقارالىق قاۋىمداستىقتى بەيكٷنە ادامداردىڭ قىرىلۋىنا جول بەرمەۋگە ٷندەدٸ. "بٸز بالالاردىڭ اشتىقتان قىرىلۋىنا جول بەردٸك. ماسقارا. ول بالالاردىڭ قاي ەلدە تۇراتىنىنا مەن بەرمەۋٸمٸز كەرەك", - دەيدٸ بيسلي.
بيىل تامىزدا "تاليبان" قوزعالىسىنىڭ سودىرلارى ەلدەگٸ بيلٸكتٸ باسىپ الدى. بۇنىڭ الدىندا حالىقارالىق كٷشتەر اۋعانستاننان شىعارىلعان. بيلٸككە جەتكەن تەلٸپتەر قىزداردىڭ بٸلٸم الۋىن توقتاتىپ, ۇرلىق جاساعانداردىڭ قول-اياعىن كەسۋدٸ, حالىق الدىندا ٶلٸم جازاسىن ورىنداۋدى قايتا جاڭارتتى. تەلٸپتەر ٷكٸمەتٸن ەلەمدەگٸ ەشبٸر مەملەكەت رەسمي تٷردە مويىنداعان جوق.
