الماتىدا WorldSkills Almaty-2025 كەسٸبي شەبەرلٸك بويىنشا X ٶڭٸرلٸك چەمپيوناتى ٶتٸپ جاتىر. وعان قالانىڭ 200-دەن استام كوللەدج ستۋدەنتٸ قاتىسۋدا, دەپ حابارلايدى Dalanews.kz
بيىلعى چەمپيونات ەرەكشە مەنگە يە, ٶيتكەنٸ ول مەملەكەت باسشىسى جارييالاعان جۇمىسشى ماماندىقتارى جىلى اياسىندا ۇيىمداستىرىلىپ وتىر. بۇل باستاما تەحنيكالىق جەنە كەسٸپتٸك بٸلٸمنٸڭ بەدەلٸن ارتتىرۋعا, سونداي-اق جاستار اراسىندا جۇمىسشى ماماندىقتاردى تانىمال ەتۋگە باعىتتالعان.
الماتىدا WorldSkills قوزعالىسىنا بەلسەندٸ قولداۋ كٶرسەتٸلەدٸ. بٷگٸن جارىسقا قاتىسۋشىلارمەن الماتى ەكٸمٸ ەربولات دوساەۆ كەزدەسٸپ, قاتىسۋشىلارمەن ەڭگٸمەلەسٸپ, جۇمىستارىمەن تانىستى.
ەربولات دوساەۆ قالا ەكٸمدٸگٸ ستۋدەنت جاستار اراسىندا جۇمىسشى ماماندىقتاردىڭ دامۋىن قولدايتىنىن جەنە كەيبٸر ماماندىق بويىنشا گرانت بٶلۋ مٷمكٸندٸگٸن قاراستىرىپ جاتقانىن اتاپ ٶتتٸ. قالا ەكٸمٸ تەحنيكالىق جەنە كەسٸپتٸك بٸلٸمنٸڭ بەدەلٸن ارتتىرۋعا باعىتتالعان مۇنداي ٸس-شارالاردىڭ ماڭىزدىلىعىن دا ەرەكشە ايتتى.
سايىس ينجەنەرييا جەنە IT-دەن باستاپ قىزمەت كٶرسەتۋ, ديزاين, قۇرىلىس جەنە اۆتوكٶلٸكتٸ دياگنوستيكاعا دەيٸنگٸ كٶپتەگەن قۇزىرەتتٸ قامتيدى. جاس ماماندار تەجٸريبەلٸك داعدىسىن كٶرسەتٸپ وتىر: سانتەحنيكالىق جابدىقتاردى ورناتادى, كابەلدٸك جەلٸلەردٸ تارتادى, ەلەكترونيكا جوبالاۋ جەنە جيناۋ, موبيلدٸ قوسىمشالار مەن گرافيكالىق ديزاين جاسايدى, 3D-پرينتەردە بۇيىمدار شىعارادى.
شىعارماشىلىق باعىتقا دا ەرەكشە كٶڭٸل بٶلٸندٸ: قاتىسۋشىلار كيٸم ٷلگٸلەرٸن ەزٸرلەپ, ۆيترينالاردى بەزەندٸرٸپ, اسپازدىق تاعامدار دايىنداپ, كٷردەلٸ شاشتاراز تەحنيكاسىن ورىندايدى. بايقاۋعا قاتىسۋشىلار تەلەكوممۋنيكاتسييا جەنە اۆتوكٶلٸكتەردٸ تەحنيكالىق قىزمەت كٶرسەتۋ سالاسىندا دا كەسٸبي شەبەرلٸگٸن كٶرسەتۋدە.
جارىسقا قاتىسۋشىنىڭ بٸرٸ الماتى قۇرىلىس-تەحنيكالىق كوللەدجٸنٸڭ 17 جاستاعى ستۋدەنتٸ دميتريي كليموۆ «سانتەحنيكا جەنە جىلىتۋ» قۇزىرەتٸندە بٸلٸمٸ مەن داعدىسىن كٶرسەتۋدە. ول كوللەدجدە العان بٸلٸمٸن كٷندەلٸكتٸ ٶمٸردە دە قولدانادى.
«بٸزگە تاپسىرما بەرٸلدٸ, مەن رادياتور ورناتىپ, پەشتٸ قوستىم, راكوۆينا, ۋنيتاز جەنە كەرٸز جٷيەسٸن ورناتتىم. بۇلاردىڭ بەرٸن بٸزگە كوللەدجدە ٷيرەتەدٸ. سانتەحنيكا باعىتىن سانالى تٷردە تاڭدادىم, سەبەبٸ بۇل سۇرانىسقا يە ەرٸ بولاشاعى بار سالا دەپ سانايمىن. ٶز بٸلٸمٸمدٸ ٷيدە دە قولدانامىن. بٸردە ٷيدە ۋنيتاز بۇزىلىپ قالدى, ونى ٶزٸم جٶندەدٸم. انام شەبەر شاقىرتۋدىڭ قاجەتٸ بولماعانىنا قۋاندى», - دەدٸ دميتريي كليموۆ.
تاعى بٸر قاتىسۋشى بوتا ەردەنباەر وقۋىن تەلەكوممۋنيكاتسييا سالاسىنداعى ناقتى جۇمىسىمەن ۇشتاستىرىپ جٷر جەنە بولاشاقتا پروۆايدەرلٸك كومپانييا اشۋدى ارماندايدى. بوتاعا بۇل سالاعا قىزىعۋشىلىق جاسٶسپٸرٸم شاعىندا-اق پايدا بولعان, ول كەزدە ينتەرنەتتٸڭ قالاي جۇمىس ٸستەيتٸنٸنە قىزىعا باستاعان.
«سالادا ماماندار تاپشى, ال بٸلٸكتٸ كادرلارعا سۇرانىس ٶتە جوعارى. كٶپ ادام وسى ماماندىققا قىزىعۋشىلىق تانىتسا دەيمٸن. مەن ەڭبەك نارىعىنداعى باعامدى قازٸردٸڭ ٶزٸندە سەزٸنٸپ وتىرمىن – بۇل ەلٸ باستاماسى عانا. كوللەدجدە وقىپ جٷرٸپ, بوس ۋاقىتىمدا جٷيە ەكٸمشٸسٸ بولىپ جۇمىس ٸستەپ, اقشا تابامىن. بولاشاقتا IT-كومپانييامدى اشقىم كەلەدٸ», - دەدٸ بوتا ەردەنباەر.
بايقاۋ جۇمىستارىن 500-دەن استام ساراپشى مەن جۇمىس بەرۋشٸ باعالايدى. جەڭٸمپازدار وسى جىلدىڭ 14 سەۋٸرٸندە انىقتالادى. ماراپاتتاۋ رەسٸمٸ سول كٷنٸ وقۋشىلار سارايىندا ٶتەدٸ.
ساراپشىنىڭ بٸرٸ تاڭشولپان تٶلەنديەۆا تەحنيكالىق عىلىمدار ماگيسترٸ ەرٸ وقىتۋشى. ول اۆتومەحانيكا سالاسىنداعى ساناۋلى ەيەل ماماننىڭ بٸرٸ. الماتى ەكٸمدٸگٸنٸڭ قولداۋىمەن تٶلەنديەۆا گەرمانييادا تاعىلىمدامادان ٶتٸپ, EuroSkills چەمپيوناتىنىڭ ساراپشىسى اتاندى.
«ستۋدەنتتەر تاپسىرمالاردى تولىق ورىندايدى. ٷش جىل ٸشٸندە بٸز ولارعا مەحانيكانىڭ نەگٸزدەرٸمەن قاتار زاماناۋي تەحنولوگييانى دا ٷيرەتەمٸز, وسىلايشا تٷلەكتەر ەڭبەك نارىعىندا بەسەكەگە قابٸلەتتٸ بولادى. مىسالى, قاتىسۋشىلار پورشەن ساقينالارىن اۋىستىرىپ, قوزعالتقىشتى بٶلشەكتەپ-جيناۋمەن, بەرٸلٸس قورابىمەن جۇمىس ٸستەۋمەن اينالىسادى, سونداي-اق, شىن اۆتوكٶلٸككە دياگنوستيكا جٷرگٸزٸپ, اقاۋلاردى جويادى», – دەدٸ كوللەدج وقىتۋشىسى, EuroSkills حالىقارالىق ساراپشىسى تاڭشولپان تٶلەنديەۆا.
چەمپيونات اياسىندا كەسٸبي باعدار بەرۋ جۇمىستارى دا بەلسەندٸ جٷرگٸزٸلۋدە: 15 مىڭنان استام مەكتەپ وقۋشىسى ٸس-شاراعا قاتىسىپ, جۇمىسشى ماماندىقتار بويىنشا وقۋعا ٶتٸنٸش بەردٸ.
بٷگٸندە الماتىدا 88 كوللەدج جۇمىس ٸستەيدٸ, وندا 85 مىڭنان استام ستۋدەنت وقيدى. 22 مەملەكەتتٸك كوللەدجدە جۇمىسشى مامانداردى دايارلاۋ تولىعىمەن قالا ەكٸمدٸگٸ ەسەبٸنەن قارجىلاندىرىلادى.
WorldSkills Almaty-2025 چەمپيوناتىنىڭ جٷلدە قورى شامامەن 10 ميلليون تەڭگە. 30 نەگٸزگٸ قۇزىرەت بويىنشا جەڭٸمپازدارعا اقشالاي سىيلىق تابىستالادى: I ورىنعا — 150 000 تەڭگە, II ورىنعا — 100 000 تەڭگە, III ورىنعا — 50 000 تەڭگە.
سالتاناتتى ماراپاتتاۋ رەسٸمٸ 14 سەۋٸردە وقۋشىلار سارايىندا ٶتەدٸ. ٶڭٸرلٸك كەزەڭ جەڭٸمپازدارى WorldSkills Kazakhstan-2025 رەسپۋبليكالىق چەمپيوناتىندا الماتىنىڭ اتىنان قاتىسادى. توپ جارىپ, ٷزدٸك اتانعاندار 2026 جىلى شانحايدا ٶتەتٸن حالىقارالىق چەمپيوناتتا قازاقستاننىڭ نامىسىن قورعايدى.
