قازاقستان نارىعىندا از ۋاقىتتا تانىمال بولعان, جاستار مەن بالالاردىڭ سٷيٸكتٸ سۋسىنىنا اينالعان Wedrink برەندٸ كەيٸنگٸ كٷندەرٸ ەلەۋمەتتٸك جەلٸدە قىزۋ تالقىعا تٷسٸپ جاتىر. جەلٸدە ٶنٸم قاۋٸپسٸزدٸگٸنە قاتىستى كٷمەندٸ اقپاراتتار جەلدەي ەسكەن. ەسٸرەسە قۇرامىندا “شوشقا دنق-سى بولۋى مٷمكٸن” دەگەن بولجامدار كٶپشٸلٸكتٸڭ ٷرەيٸن تۋعىزدى. اتالعان ايىپتاۋلار قانشالىقتى نەگٸزدٸ? تارالعان اقپارات شىندىققا جاناسا ما? Dalanews.kz رەداكتسيياسى مەسەلەنٸڭ مەن-جايىن انىقتاپ, مەملەكەتتٸك ورگاندار مەن مامانداردان رەسمي جاۋاپ الدى.
جەلٸدەگٸ دٷربەلەڭ
Instagram جەنە Threads پلاتفورمالارىندا Wedrink سۋسىندارىنا قاتىستى تەرٸس پٸكٸرلەر قارشا بوراعان. قولدانۋشىلار ٶنٸمدٸ "حيمييالىق قوسپالارعا تولى", “دەنساۋلىققا باياۋ ەسەر ەتەتٸن تەتتٸ ۋ" دەپ ايىپتاپ جاتىر.
بۇدان بٶلەك, ٶنٸم قۇرامىندا شوشقا دنق-سى جەنە حارام سانالاتىن "كارمين" بوياعىشى بولۋى مٷمكٸن دەگەن بولجامدار دا كەزدەسەدٸ.
سونداي-اق بٸرقاتار قولدانۋشى Wedrink-تٸڭ قمدب تاراپىنان بەرٸلگەن حالال سەرتيفيكاتى جوق ەكەنٸن العا تارتقان.
تٸپتٸ ەلەۋمەتتٸك جەلٸدە برەندكە قارسى پەتيتسييا باستاۋ تۋرالى ۇسىنىستار دا پايدا بولعان.
“حالىق بۇل برەندكە قارسى پەتيتسييا كٶتەرۋٸ كەرەك. قاراڭىزدارشى, ونداعان بالا كەزەكتە تۇر. ەكٸ جىلدان كەيٸن ولاردىڭ اتا-انالارى “قىزىمنىڭ اسقازانىندا 4-ساتىداعى قاتەرلٸ ٸسٸك بار” نەمەسە “ۇلىمدا مي ٸسٸگٸ انىقتالدى” دەپ ەمگە حالىقتان اقشا جيناپ جٷرمەسٸنە كٸم كەپٸل? بۇل برەند ۇلتتىق قاۋٸپسٸزدٸككە ناقتى قاۋٸپ تٶندٸرٸپ وتىر”, – دەلٸنگەن danday.amokachi جارييالاعان جازبادا.
سونداي-اق اۆتور مەسەلەگە قۇزىرلى ورگانداردىڭ ارالاسۋىن تالاپ ەتكەن.
“بۇنى سانيتارلىق قىزمەت, دەنساۋلىق ساقتاۋ مينيسترلٸگٸ, ەسٸرەسە ۇقك قاتاڭ تەكسەرۋٸ كەرەك”, – دەپ جازدى ول.
سونىمەن قاتار جازبا اۆتورى Wedrink نٷكتەلەرٸنە قاتىستى قاتاڭ شارالار قولدانۋدى ۇسىنعان.
“جاي عانا بويكوت جارييالاۋ جەتكٸلٸكسٸز. بۇل نىسانداردى تولىق جابۋ كەرەك جەنە ولارعا رۇقسات بەرگەن جاۋاپتى تۇلعالاردى جاۋاپقا تارتۋ قاجەت”, – دەلٸنگەن جازبادا.
ساراپشى پٸكٸرٸ
حالال ٶنٸمدەردٸ زەرتتەۋشٸ مامان اسقار ەسقايىر دا Wedrink ٶنٸمٸنٸڭ سەرتيفيكاتى مەن قۇرامىنا قاتىستى كٷمەن بارىن جەتكٸزدٸ. ونىڭ سٶزٸنشە, كومپانييا يەلەنگەن "احيك" سەرتيفيكاتى قازاقستاندا اككرەديتاتسييادان ٶتپەگەن.
“بۇل مەكەمەنٸڭ قازاقستاندا سەرتيفيكات بەرۋگە قۇقىعى جوق. سوندىقتان وعان سەنۋ قيىن. سونداي-اق قىزىل تٷستٸ كونتسەنتراتتار مەن سٷت ۇنتاقتارىنىڭ قۇرامى تولىق اشىپ كٶرسەتٸلمەگەن. ەمۋلگاتورلار مەن تۇراقتاندىرعىشتاردىڭ تەگٸ بەلگٸسٸز بولعاندىقتان, ٶنٸمدٸ تولىق حالال دەپ ايتا المايمىز", – دەيدٸ ساراپشى.
Wedrink كومپانيياسىنىڭ جاۋابى
Wedrink كومپانيياسىنىڭ ٶزٸ ەلەۋمەتتٸك جەلٸلەردە تاراعان اقپاراتتارعا قاتىستى رەسمي مەلٸمدەمە جاساپ, بۇل ايىپتاۋلاردى جوققا شىعارعان. كومپانييا ٶكٸلدەرٸ ٶنٸمدەرٸ بارلىق قاجەتتٸ ساپا جەنە قاۋٸپسٸزدٸك تالاپتارىنا ساي ەكەنٸن, سونداي-اق جالعان اقپاراتتىڭ ٸسكەرلٸك بەدەلگە نۇقسان كەلتٸرەتٸنٸن مەلٸمدەگەن. سونىمەن قاتار قاجەت بولعان جاعدايدا زاڭ اياسىندا شارالار قابىلداناتىنىن ەسكەرتكەن.
رەسمي سايتتاعى دەرەكتەر
كومپانييانىڭ رەسمي پاراقشاسىنا سٷيەنسەك, Wedrink – قىتايداعى Runxiang Catering كومپانيياسىنا تيەسٸلٸ حالىقارالىق جەلٸ. برەند ەلەم بويىنشا مىڭداعان نٷكتەسٸ بار ەكەنٸن العا تارتقان.
قازاقستان نارىعىندا دا جەلٸ قارقىندى كەڭەيٸپ جاتقانى اشىق دەرەكتەردە راستالعان. مەسەلەن, تەك الماتى قالاسىنىڭ ٶزٸندە ونداعان, ال كەي دەرەكتەردە 100-دەن استام نٷكتەسٸ بارى كٶرسەتٸلەدٸ.
ەلەۋمەتتٸك جەلٸدە تاراعان پٸكٸرلەردٸڭ ٸشٸندە برەندتٸڭ بيزنەس-مودەلٸنە قاتىستى دا تٷرلٸ بولجام ايتىلىپ جاتىر. مەسەلەن, Threads پلاتفورماسىنداعى قولدانۋشىلاردىڭ بٸرٸ Wedrink جەلٸسٸنٸڭ قازاقستان بويىنشا شامامەن 300-گە جۋىق نٷكتەسٸ بار ەكەنٸن العا تارتىپ, فرانشيزا قۇنى ورتا ەسەپپەن 12 ميلليون تەڭگەنٸ قۇرايتىنىن جازعان.
دەگەنمەن بۇل مەلٸمەتتەردٸڭ رەسمي تٷردە راستالماعانىن اتاپ ٶتكەن جٶن. ەلەۋمەتتٸك جەلٸدەگٸ مۇنداي پٸكٸرلەر كٶبٸنە جەكە بولجام مەن سۋبەكتيۆتٸ باعالاۋعا نەگٸزدەلەدٸ.
Dalanews رەداكتسيياسىنىڭ زەرتتەۋٸ
رەداكتسييا جٷرگٸزگەن تالداۋ بارىسىندا بٸرنەشە ماڭىزدى جايتقا نازار اۋداردىق.
بٸرٸنشٸدەن, ٶنٸمنٸڭ ناقتى قۇرامى تۋرالى تولىق اقپارات جوق. سايتتا سۋسىندار جالپى سيپاتتالعانىمەن, ولاردىڭ قۇرامىنداعى قوسپالار مەن تاعامدىق قۇندىلىعى جٶنٸندە ناقتى دەرەك بەرٸلمەگەن.
ەكٸنشٸدەن, شيكٸزاتتىڭ قايدان جەتكٸزٸلەتٸنٸ جەنە قانداي ستاندارتتارمەن تەكسەرٸلەتٸنٸ تۋرالى مەلٸمەتتەر شەكتەۋلٸ.
ٷشٸنشٸدەن, سۋسىننىڭ رەسمي سايتىندا مەملەكەتتٸك تٸل تولىق نازارعا الىنباعان. نەگٸزگٸ كونتەنت ورىس, اعىلشىن جەنە قىتاي تٸلدەرٸندە ۇسىنىلعان. قازاقستان زاڭناماسى تۇرعىسىنان تۇتىنۋشىعا ارنالعان اقپارات مەملەكەتتٸك تٸلدە دە ۇسىنىلۋى تيٸس, سوندىقتان بۇل جاعداي تالاپتاردىڭ تولىق ساقتالماعانىن كٶرسەتەدٸ.
قازٸرگٸ تاڭدا Wedrink ٶنٸمدەرٸنە قاتىستى رەسمي زەرتحانالىق ساراپتاما جٷرگٸزٸلمەگەن. ٶنٸمنٸڭ حالال مەرتەبەسٸنە قاتىستى دا ناقتى قورىتىندى جوق.
قمدب نە دەيدٸ?
Dalanews.kz رەداكتسيياسى مەسەلەنٸڭ اق-قاراسىن انىقتاۋ ٷشٸن قازاقستان مۇسىلماندارى دٸني باسقارماسىنا, سانيتارييالىق-ەپيدەميولوگييالىق باقىلاۋ كوميتەتتەرٸنە رەسمي ساۋال جولدادى. الايدا قمدب بۇل ٶنٸمدەرگە قاتىستى ناقتى اقپارات بەرمەدٸ.
“اتالعان كەسٸپورىننىڭ ٶنٸمدەرٸ قمدب تاراپىنان تەكسەرٸستەن ٶتپەگەندٸكتەن, ناقتى اقپارات بەرە المايمىز. سونىمەن قاتار ٶنٸمدەرگە زەرتحانالىق ساراپتاما جاساماعانىمىزدى حابارلايمىز”, – دەلٸنگەن باسقارما جاۋابىندا.
سانيتارييالىق-ەپيدەميولوگييالىق باقىلاۋ كوميتەتٸنٸڭ پٸكٸرٸ
ال قازاقستان رەسپۋبليكاسى دەنساۋلىق ساقتاۋ مينيسترلٸگٸنٸڭ سانيتارييالىق-ەپيدەميولوگييالىق باقىلاۋ كوميتەتٸ Wedrink ٶنٸمٸنە قاتىستى ەلەۋمەتتٸك جەلٸدە تاراعان اقپاراتتى جوققا شىعاردى.
“سٷت ٶنٸمدەرٸن ەاەو اۋماعىنا ەكەلۋ جەنە ٶتكٸزۋ ٷشٸن ٶنٸمنٸڭ سەيكەستٸگٸ تۋرالى دەكلاراتسييا بولۋى قاجەت”, - دەپ اتاپ ٶتتٸ ۆەدومستۆو.
ەلەۋمەتتٸك جەلٸدە قىزۋ تالقىلانعان مەسەلە بويىنشا دا كوميتەت ناقتى ۇستانىم بٸلدٸردٸ.
“Wedrink سۋسىندارىنىڭ قۇرامىندا شوشقا دنق-سى انىقتالعانى تۋرالى اقپارات شىندىققا سەيكەس كەلمەيدٸ. قازٸرگٸ ۋاقىتقا دەيٸن مۇنداي ٶنٸمدەر انىقتالعان جوق”, – دەلٸنگەن رەسمي جاۋاپتا.
سونىمەن قاتار ۆەدومستۆو ٶنٸمدەردٸڭ قاۋٸپسٸزدٸگٸ تۇراقتى باقىلاۋدا ەكەنٸن جەتكٸزدٸ.
“باقىلاۋ ساتىپ الۋ شەڭبەرٸندە ٶنٸم ٷلگٸلەرٸ زەرتحانالىق تەكسەرۋدەن ٶتكٸزٸلەدٸ. ەگەر تەحنيكالىق رەگلامەنت تالاپتارىنىڭ بۇزىلۋى انىقتالسا, ٶنٸمدٸ الىپ قويۋ جەنە كەرٸ قايتارىپ الۋ شارالارى قابىلدانادى”, – دەپ تٷسٸندٸردٸ كوميتەت.
سونداي-اق تەكسەرٸس نەتيجەلەرٸ ۋەكٸلەتتٸ ورگاننىڭ رەسمي سايتىندا جارييالاناتىنى اتالىپ ٶتتٸ.
الماتى قالاسىنىڭ سانيتارييالىق-ەپيدەميولوگييالىق باقىلاۋ دەپارتامەنتٸ نە دەيدٸ?
الماتى قالاسىنىڭ سانيتارييالىق-ەپيدەميولوگييالىق باقىلاۋ دەپارتامەنتٸ دە Wedrink ٶنٸمٸنە قاتىستى ەلەۋمەتتٸك جەلٸدە تاراعان كٷمەندٸ اقپاراتتى راستامادى جەنە ناقتى زەرتحانالىق تەكسەرۋ جٷرگٸزٸلمەگەنٸن مەلٸمدەدٸ.
“Wedrink” ساۋدا بەلگٸسٸندەگٸ ٶنٸمگە قاتىستى زەرتحانالىق زەرتتەۋلەر مەن سانيتارييالىق-ەپيدەميولوگييالىق ساراپتاما جٷرگٸزٸلمەگەن”, – دەلٸنگەن جاۋاپتا.
سونىمەن قاتار ۆەدومستۆو ٶنٸمنٸڭ قاۋٸپسٸزدٸگٸنە جاۋاپكەرشٸلٸك ٶندٸرۋشٸ مەن يمپورتتاۋشىعا جٷكتەلەتٸنٸن ەسكە سالدى.
“ٶنٸمنٸڭ قاۋٸپسٸزدٸگٸ ٶندٸرۋشٸگە نەمەسە يمپورتتاۋشىعا جٷكتەلەدٸ جەنە ول سەيكەستٸگٸن راستايتىن قۇجاتتار نەگٸزٸندە اينالىمعا جٸبەرٸلەدٸ”, – دەپ تٷسٸندٸردٸ دەپارتامەنت.
الماتى قالاسى بويىنشا بۇل ٶنٸمگە قاتىستى تۇرعىنداردان شاعىم تٷسپەگەنٸ دە ايتىلدى.
“اتالعان ٶنٸم بويىنشا ٶتٸنٸشتەر تٸركەلمەگەن”, – دەلٸنگەن رەسمي جاۋاپتا.
دەگەنمەن باقىلاۋ تەتٸكتەرٸ بار ەكەنٸ اتاپ ٶتٸلدٸ. دەپارتامەنت مەلٸمەتٸنشە, تەكسەرۋلەر پروفيلاكتيكالىق باقىلاۋ, جوسپاردان تىس تەكسەرۋ نەمەسە تەرگەپ-تەكسەرۋ فورماتىندا جٷرگٸزٸلۋٸ مٷمكٸن.
“جوسپاردان تىس تەكسەرۋ ناقتى قاۋٸپ تٶنگەن جاعدايدا عانا تاعايىندالادى”, – دەپ ناقتىلادى ۆەدومستۆو.
سونداي-اق ٶنٸمدەر تۇراقتى تٷردە باقىلاۋ ساتىپ الۋ ارقىلى تەكسەرٸلٸپ وتىرادى.
“باقىلاۋ ساتىپ الۋ نەتيجەسٸندە ٶنٸمنٸڭ زاڭ تالاپتارىنا سەيكەستٸگٸ زەرتتەلەدٸ”, – دەلٸنگەن جاۋاپتا.
ەگەر زەرتحانا نەتيجەسٸندە ٶنٸم قۇرامىنان شوشقا دنق-سى انىقتالسا, قاتاڭ شارالار قابىلدانادى.
“سەيكەس كەلمەيتٸن ٶنٸمدٸ الىپ قويۋ جەنە كەرٸ قايتارىپ الۋ تۋرالى جەدەل شەشٸم قابىلدانادى”, – دەپ ەسكەرتتٸ دەپارتامەنت.
بۇدان بٶلەك, مۇنداي جاعدايدا ٶزگە مەملەكەتتٸك ورگاندار دا ٸسكە قوسىلادى. اتاپ ايتقاندا, ٶنٸم دەكلاراتسيياسىن توقتاتۋ مەسەلەسٸ قارالىپ, اقپارات تيٸستٸ ورگاندارعا جولدانادى.
دەپارتامەنت ٶنٸمدەر ەۋرازييالىق ەكونوميكالىق وداقتىڭ تەحنيكالىق رەگلامەنتتەرٸنە ساي بولۋى تيٸس ەكەنٸن دە اتاپ ٶتتٸ.
“تاماق ٶنٸمدەرٸ قاۋٸپسٸزدٸككە جەنە تاڭبالاۋعا قويىلاتىن تالاپتارعا سەيكەس بولۋى قاجەت”, – دەلٸنگەن جاۋاپتا.
سونداي-اق يمپورتتىق ٶنٸمدەر كەدەندٸك باقىلاۋدان ٶتەتٸنٸ, وندا قۇجاتتار مەن تاڭبالاۋ تالاپتارى تەكسەرٸلەتٸنٸ ايتىلدى.
