وزبەكستاننىڭ بۇحارا وبلىسىنا قاراستى ۆوبكەنت اۋدانىندا 34 جاستاعى ايەل ۆيچ ينفەكسياسى بار ەكەنىن بىلە تۇرا، قورعالماعان جىنىستىق قاتىناس ارقىلى باسقا ادامعا جۇقتىرعان. بۇل تۋرالى ازاتتىقتىڭ وزبەك قىزمەتى حابارلادى.

مالىمەتكە قاراعاندا، پوليسيا بۇل فاكتى بويىنشا قىلمىستىق ءىس قوزعاعان. وسىعان دەيىن ءتيىستى مەكەمەلەر ءۆيچ-تى باسقالارعا جۇقتىرسا، قىلمىستىق ءىس قوزعالاتىنىن بىرنەشە رەت ەسكەرتكەن.

ودان ۆيچ ينفەكسياسى 2019 جىلى انىقتالىپ، وبلىستىق سپيد ورتالىعىنا تىركەۋگە الىنعان.