ەلورداداعى وڭىرلىك كوممۋنيكاسيالىق قىزمەت الاڭىندا وتكەن بريفينگتە استانا قالاسى ءبىلىم باسقارماسىنىڭ باسشىسى قاسىمحان سەنعازىيەۆ ۆاۋچەرلىك قارجىلاندىرۋ جۇيەسىنىڭ ءتيىمدى تۇستارىن اتادى، – دەپ حابارلايدى Dalanews.kz استانا قالاسى اكىمىنىڭ باسپا ءسوز قىزمەتىنە سىلتەمە جاساپ.
مەكتەپكە دەيىنگى ءبىلىم بەرۋدە ۆاۋچەرلىك قارجىلاندىرۋ جوباسى قازاقستان اۋماعى بويىنشا ىسكە اسىرىلىپ جاتىر. سونىڭ اياسىندا كەزەككە تۇرۋدان باستاپ، مەكتەپكە دەيىنگى ۇيىمداردىڭ قىزمەتتەرىنە اقى تولەۋگە دەيىنگى بارلىق پروسەدۋرا تولىق قايتا قارالۋدا.
– ۆاۋچەرلىك قارجىلاندىرۋ جۇيەسىنىڭ ءتيىمدى تۇستارى: بىرىنشىدەن، ۆاۋچەر العان اتا-انالار تىزىمگە ەنگىزىلگەن كەز كەلگەن بالاباقشاعا ورىن الادى. بۇل اتا-انالارعا تاڭداۋ ەركىندىگىن بەرەدى جانە بالاباقشالارعا كەلۋشىلەردى تارتۋ جانە ۇستاپ تۇرۋ بويىنشا قىزمەت كورسەتۋ ساپاسىن جاقسارتۋعا كۇشتى ىنتالاندىرۋ جاسايدى.
ناتيجەسىندە ءبىز «ادىلدىك» قاعيداسىنا قول جەتكىزەمىز. ەكىنشىدەن، ەڭ ماڭىزدى وزگەرىس – بالاباقشالاردىڭ جۇمىسىن باعالاۋدىڭ قايتا ويلاستىرىلعان ءتاسىلى. اتا-انالار ءبىلىم بەرۋ قىزمەتىنىڭ ساپاسىن تىكەلەي باعالايتىن بولادى. بۇل سۋبەكتيۆتىلىكتى جويىپ، قىزمەت كورسەتۋدىڭ جالپى دەڭگەيىن ارتتىرادى. سونىمەن قاتار جوبا سالاۋاتتى باسەكەلەستىك تۋدىراتىن جانە ساپانى ايتارلىقتاي جاقسارتاتىن نارىقتىڭ جاڭا قۇرىلتايشىلارىنا ەسىك اشادى. تيىسىنشە، بۇل قادام «ساپا» پرينسيپىنە جەتەلەيدى. ۇشىنشىدەن، جەرگىلىكتى اتقارۋشى ورگانداردىڭ ءاربىر بالاباقشاعا مەملەكەتتىك تاپسىرىس كولەمىن بەكىتۋ فۋنكسيونالدىعى جويىلادى جانە ۆاۋچەرلىك قارجىلاندىرۋعا تولىعىمەن كوشۋ جۇزەگە اسىرىلادى، ياعني ەندى قاراجات بالاعا بەرىلەدى. ەگەر بالا باسقا بالاباقشانى تاڭداپ، اۋىسقان جاعدايدا، ۆاۋچەر سول بالامەن باسقا بالاباقشاعا اۋىسادى. وسىلايشا، «اشىقتىق» پرينسيپىنە قول جەتكىزىلەدى»، - دەدى باسقارما باسشىسى.
ۆاۋچەرلىك قارجىلاندىرۋدىڭ نەگىزگى قاعيداتتارى:
- بالاباقشاعا ورىن ءۇشىن كەزەككە تۇرسا، ءقازىر ۆاۋچەرگە كەزەككە تۇرادى.
- بالاباقشانى ءبىلىم باسقارماسى انىقتاسا، ءقازىر بالاباقشانى اتا-انا تاڭدايدى.
- مەملەكەتتىك تاپسىرىس بالاباقشاعا بەكىتىلسە، ءقازىر ۆاۋچەر بالانىڭ سوڭىنان ەرەدى.
