ۇزىناعاشتا قازا بولعان اعايىندىلاردىڭ ارتىندا 9 بالا جەتىم قالدى

Dalanews 26 قىر. 2016 09:06 323

ءقازىر ءمايىتحانادامىز، باۋىرلارىمىزدىڭ مۇردەسىن بۇگىن تۇستەن كەيىن بىزگە بەرەدى، دەيدى الماتى وبلىسى ۇزىناعاش اۋىلىندا مال ساتىپ، كەيىن ءىز-تۇزسىز جوعالىپ كەتكەن جىگىتتەردىڭ تۋىسقانى تۇرسىن ءالىمحان «قازاقپارات» تىلشىسىنە.

«مايىتتەردى ءالى بىزگە بەرگەن جوق. تۇستەن كەيىن بەرەدى دەپ وتىر. ءقازىر ءمايىتحانادامىز»، - دەدى زارلىحان ۇلى مۇقيات پەن ءالىمحان قادىلبەكتىڭ اعايىنى تۇرسىن ءالىمحان.

سونىمەن قاتار، تۇرسىن ءالىمحان ۇلى كۇدىكتىلەردىڭ مارقۇمداردى بۇرىننان تانۋى مۇمكىن دەگەن اقپاراتتى جوق شىعاردى.
«ساۋدانى مارقۇمدار ەشكىممەن بىرىگىپ جاساعان جوق. وزدەرىنىڭ ماڭداي تەرى، ادال ەڭبەگى ەدى. ۇشەۋىنىڭ ارتىندا 9 بالا جەتىم قالدى»،  - دەدى تۇرسىن ءالىمحان.

ايتا كەتەيىك، الەۋمەتتىك جەلىلەردە كۇدىكتىلەردىڭ ولاردى تانۋى مۇمكىن دەگەن اقپارات تاراعان ەدى.

ەسكە سالا كەتەيىك، وتكەن جەكسەنبىدە باق-تا الماتى وبلىسى جامبىل اۋدانىندا مال ساۋداسىمەن اينالىسىپ جۇرگەن ءۇش جىگىتتىڭ جوعالىپ كەتكەنى تۋرالى حابارلانعان بولاتىن.

مارقۇمداردىڭ تۋىسقاندارىنىڭ ايتۋىنشا، دولدان ۇلى جارقىنبەك (1979 جىلى تۋعان)، زارلىحان ۇلى مۇقيات (1973 جىلى تۋعان)، ءالىمحان قادىلبەك شىعىس قازاقستان وبلىسىنىڭ تارباعاتاي اۋدانىنان ساتىپ العان 40 باس مالدى ەكى جۇك كولىگىمەن 17 قىركۇيەك كۇنى ۇزىناعاش بازارىنا شىعارعان. 19 قىركۇيەكتە سوڭعى رەت بايلانىسقا شىققان. بىرنەشە كۇننەن كەيىن ولاردىڭ دەنەسى تابىلدى.

24 قىركۇيەكتە الماتى وبلىستىق ىشكى ىستەر دەپارتامەنتىنىڭ باسپا ءسوز قىزمەتى ءىز-تۇزسىز جوعالعان ءۇش اعايىندىنىڭ ولىمىنە قاتىستى كۇدىكتىلەر ۇستالعانىن حابارلادى.
«وبلىستىق ءىىد باسشىسىنىڭ ءبىرىنشى ورىنباسارى پودپولكوۆنيك نۇرلان ءماسىموۆ باسشىلىق ەتكەن ىزدەۋ شارالارىنا اۋداندىق جانە ايماقتىق پوليسەيلەر دە جۇمىلدىرىلدى. جوعالعانداردى ءولتىردى دەگەن كۇدىكپەن جامبىل اۋدانىنىڭ ەكى ازاماتى ۇستالدى. جابىرلەنۋشىلەردىڭ دەنەلەرى تابىلدى. ق ر قك 99-بابى، 2ء-بولىمى بويىنشا (كىسى ءولتىرۋ) قىلمىستىق ءىس قوزعالدى»، - دەلىنگەن باسپا ءسوز قىزمەتىنىڭ حابارىندا.

كىسى ءولتىرۋ فاكتىسى بويىنشا تەرگەۋ جۇمىستارى الماتى وبلىستىق ىشكى ىستەر دەپارتامەنتى باسشىلىعىنىڭ قاتاڭ باقىلاۋىنا الىنعان.

20160926130402

ۇسىنىلعان
سوڭعى جاڭالىقتار