اقتٶبە وبلىسىندا ٷيلەنبەك بولعان قىزىن زورلاپ, ٶلتٸرٸپ, قاشىپ كەتكەن ەر ادام 22 جىلعا سوتتالدى, – دەپ حابارلايدى Dalanews.kz.
ٸس اقتٶبە وبلىسىنىڭ قىلمىستىق ٸستەر جٶنٸندەگٸ مامانداندىرىلعان اۋدانارالىق سوتىندا قارالدى.
سوتتا كٷدٸكتٸ ە. ەسٸمدٸ ەر ادام 2024 جىلدىڭ 22 سەۋٸرٸندە اقتٶبە قالاسىندا تٷنگٸ مەزگٸلدە ٷيگە زاڭسىز كٸرٸپ, جەبٸرلەنۋشٸ ت-نى ەركٸنەن تىس زورلاپ, ارتىنشا قىلمىس ٸزٸن جاسىرۋ ماقساتىندا ونى پىشاقتاپ, ٶلتٸرٸپ كەتكەنٸ انىقتالدى. ول بالكون ارقىلى شىعىپ, قاشىپ بارا جاتقاندا الدىنان پوليتسييا قىزمەتكەرٸ شىققان. كٷدٸكتٸ ەر ادام پوليتسەيدٸ دە پىشاقپەن جاراقاتتاعان.
سوتتالۋشى ە. ٶزٸنە تاعىلعان ايىپ بويىنشا كٸنەسٸن ٸشٸنارا مويىنداپ, ٷيلەنگٸسٸ كەلٸپ جٷرگەن قىزىنىڭ پەتەرٸنە تٷندە بالكون ارقىلى كٸرٸپ, اشۋ ٷستٸندە ونى ٶلتٸرٸپ العانىن, قىزدى زورلاماعانىن, ال ارتىنان قۋعان ادامنىڭ پوليتسييا قىزمەتكەرٸ ەكەنٸن بٸلمەگەنٸن ايتقان.
پروكۋرور تاعىلعان ايىپتى تولىقتاي قولداپ, سوتتان ە-گە 24 جىل باس بوستاندىعىنان ايىرۋ جازاسىن تاعايىنداۋدى سۇرادى.
جازا تاعايىنداۋ بارىسىندا قىلمىستىق جاۋاپتىلىق پەن جازانى جەڭٸلدەتەتٸن مەن-جاي رەتٸندە سوتتالۋشى ە. بۇرىن قىلمىستىق جاۋاپتىلىققا تارتىلماعانى تانىلدى. سوتتالۋشى ە. قىلمىستىق جاۋاپتىلىعى مەن جازاسىن اۋىرلاتاتىن مەن-جايلار انىقتالعان جوق.
سوت كٷدٸكتٸنٸ قك-نٸڭ 99-بابىنىڭ 2-بٶلٸگٸنٸڭ 10-تارماعىمەن, 120-بابىنىڭ 2-بٶلٸگٸنٸڭ 2-تارماعىمەن, 149-بابىنىڭ 2-بٶلٸگٸمەن, 380-1-بابىنىڭ 1-بٶلٸگٸمەن كٸنەلٸ دەپ تانىپ, وعان تٷپكٸلٸكتٸ 22 جىل مەرزٸمگە باس بوستاندىعىنان ايىرۋ جازاسىن تاعايىندادى. سوتتالعاننان جەبٸرلەنۋشٸنٸڭ پايداسىنا مورالدىق زييان ٷشٸن ٶتەماقى جەنە مٷلٸكتٸك شىعىندارى ٶندٸرٸلدٸ.
سوت ٷكٸمٸ زاڭدى كٷشٸنە ەنگەن جوق.
