پروديۋسەر ەرٸ ەنشٸ مٶلدٸر مۇقان ەلەۋمەتتٸك جەلٸدەگٸ پاراقشاسىندا شىعارماشىلىعىنا قاتىستى قۋانىشتى جاڭالىعىن بٶلٸستٸ, دەپ حابارلايدى dalanews.kz.
ٶنەر يەسٸنٸڭ ايتۋىنشا, ول "Qazaqstan" ۇلتتىق تەلەارناسى تٷسٸرٸپ جاتقان جاڭا تەلەحيكاياعا شاقىرتۋ العان. مٶلدٸر مۇقان بۇل ۇسىنىستى قۋانا قابىلداعانىن جەتكٸزدٸ.
جاڭا سەريالدا ول ەرلان ەسٸمدٸ كەيٸپكەردٸڭ جۇبايىنىڭ رٶلٸن سومدايدى. تۋىندىدا دەرٸگەرلەردٸڭ ەڭبەگٸ, اق حالاتتى جانداردىڭ قوعامداعى ورنى مەن جاۋاپكەرشٸلٸگٸ سٶز بولماق.
"وسى جازدىڭ ەرەكشە جاڭالىعى – سەريالعا تٷسۋ تۋرالى ۇسىنىس. ەرينە, قابىل الدىم. بۇل مەن ٷشٸن ٶنەر جولىمداعى ەرەكشە جوبالاردىڭ بٸرٸ بولدى. شاقىرتۋ كەلگەندە قاتتى قۋاندىم", – دەدٸ مٶلدٸر مۇقان.
ٶنەر يەسٸ سەريالدىڭ تاقىرىبىنىڭ ٶزٸنە ەرەكشە ەسەر ەتكەنٸن دە اتاپ ٶتتٸ. ونىڭ ايتۋىنشا, ادامدار دەرٸگەرلەردٸڭ قادٸرٸن كٶبٸنە دەنساۋلىققا قاتىستى سىناققا تاپ بولعان كەزدە تەرەڭٸرەك تٷسٸنەدٸ.
مٶلدٸر مۇقان وسىنداي ماڭىزدى تاقىرىپتى ەكران ارقىلى كٶتەرٸپ وتىرعان ۇلتتىق ارنا مەن تٷسٸرٸلٸم توبىنا العىسىن بٸلدٸردٸ.
