قازاقستاننىڭ حالىق ەرتٸسٸ, ەنشٸ ماقپال جٷنٸسوۆا ەۋەجايدا كٷتپەگەن جايتقا تاپ بولعان. ول گاسترولدٸك ساپار اياسىندا قاراعاندىعا جول جٷرٸپ بارا جاتقان, - دەپ حابارلايدى Dalanews.kz.
ٶنەر يەسٸ ەۋەجاي قىزمەتكەرلەرٸ دومبىراسى مەن كونتسەرتتٸك باس كيٸمٸن ۇشاققا كٸرگٸزۋگە رۇقسات بەرمەگەنٸن جەتكٸزدٸ. ۆيدەونى ەنشٸ ەلەۋمەتتٸك جەلٸدەگٸ پاراقشاسىندا جارييالادى.
"قۇرمەتتٸ حالايىق, ەۋەجايدا وتىرمىن. قاراعاندىدا كونتسەرتٸم.
دومبىرام مەن باسكيٸمٸمدٸ "مۇنداي جٷكتٸ ٶتكٸزۋگە بولمايدى, بٸراق كٸشكەنتاي چەمودانىڭىزدى الىپ ٶتە بەرٸڭٸز" دەيدٸ.
سٸزدەر سونىمەن كەلٸسەسٸزدەر مە? باسكيٸمدٸ چەمودانعا تىعا المايمىن. مايىسىپ قالادى", - دەدٸ ول.
اشىنعان ەنشٸ امالى قۇرىپ, تاعى بٸر ورىن ساتىپ العان.
"دومبىرام مەن باسكيٸمٸمە جەكە ورىن ساتىپ الدىق. 65 مىڭ تەڭگە. قۇرمەتتٸ پرەزيدەنت قاسىم-جومارت كەمەلۇلى, قازاقتىڭ دومبىراسىن ٶتكٸزبەي, وسىنداي بولىپ جاتىر. ەندٸ گاسترولگە شىقپايمىن, زاڭدى ٶزگەرتپەسەڭٸزدەر, گاسترولگە بارمايمىز", - دەدٸ حالىق ەرتٸسٸ.
بۇعان دەيٸن ۇشاقتا دومبىرا الىپ جٷرە الماعان ەنشٸلەر وسى مەسەلەنٸ كٶتەرگەن ەدٸ. سولاردىڭ بٸرٸ - ايتىسكەر اقىن ايشولپان تٸلەۋتاي. ول ماقپال جٷنٸسوۆانىڭ جەلٸدەگٸ وسى جازباسىنا پٸكٸر جازىپ, بۇل مەسەلە جابۋلى قازان كٷيٸندە قالعانىن ايتتى.
"قازاقتىڭ دومبىراسىن سىيدىرماسا,
نە پايدا ۇشاعىڭنىڭ كەڭدٸگٸنەن?! - دەپ ەۋە كومپانييالارعا وسى مەسەلەنٸ شەشۋلەرٸن سۇراپ جٷرگەنٸمە 2 جىل بولدى! بٸردە-بٸر قورىتىندى شىعارعان جوق. جوعارىداعىلار دا ەسٸتەمەگەن ادام قۇساپ وتىر عوي كەرەڭ بولىپ", - دەدٸ ول.
