سينوپتيكتەر 20، 21 جانە 22 جەلتوقسانعا استانا مەن الماتىداعى اۋا رايى بولجامىن ۇسىندى، دەپ حابارلايدى Dalanews.kz.

استانا

20 جەلتوقسان – بۇلتتى، قار جاۋادى، بوران، كوكتايعاق. جەل وڭتۇستىك-باتىستان سوعادى، جىلدامدىعى 9–14 م/س، ەكپىنى 15–20 م/س. اۋا تەمپەراتۋراسى تۇندە 7–9، كۇندىز 4–6 گرادۋس اياز.

21 جەلتوقسان – قۇبىلمالى بۇلتتى، تۇندە قار جاۋىپ، بوران سوعادى. جەل وڭتۇستىك-باتىستان 9–14 م/س. اۋا تەمپەراتۋراسى تۇندە 25–27، كۇندىز 18–20 گرادۋس اياز.

22 جەلتوقسان – قۇبىلمالى بۇلتتى، كەي ۋاقىتتا قار، تومەنگى بوران. جەل وڭتۇستىك-باتىستان 9–14 م/س. اۋا تەمپەراتۋراسى تۇندە 20–22، كۇندىز 8–10 گرادۋس اياز.

الماتىداعى اۋا رايى بولجامى

20 جەلتوقسان – قۇبىلمالى بۇلتتى، جاۋىن-شاشىنسىز. تۇندە جانە تاڭەرتەڭ تۇمان، كوكتايعاق. جەل سولتۇستىك-شىعىستان 2–7 م/س. اۋا تەمپەراتۋراسى تۇندە 4–6 گرادۋس اياز، كۇندىز 0–2 گرادۋس جىلى.

21 جەلتوقسان – بۇلتتى، قار جاۋادى، كۇندىز كەي ۋاقىتتا قاتتى قار. كەي جەرلەردە تۇمان، كوكتايعاق. جەل سولتۇستىك-باتىستان 3–8 م/س. اۋا تەمپەراتۋراسى تۇندە 3–5، كۇندىز 0–2 گرادۋس اياز.

22 جەلتوقسان – قۇبىلمالى بۇلتتى، تۇندە قار جاۋادى. كەي ۋاقىتتا تۇمان، كوكتايعاق. جەل سولتۇستىك-شىعىستان 3–8 م/س. اۋا تەمپەراتۋراسى تۇندە 5–7، كۇندىز 0–2 گرادۋس اياز.

قازاقستاندا 35 گرادۋسقا دەيىن اياز كۇتىلەدى

بۇعان دەيىن «قازگيدرومەت» سينوپتيكتەرى 20–22 جەلتوقسانعا ارنالعان جالپى ەل بويىنشا اۋا رايى بولجامىن ۇسىنعان بولاتىن. الداعى ءۇش كۇندە قازاقستان اۋماعىندا قار جاۋىپ، بوران سوعىپ، جەل كۇشەيەدى دەپ كۇتىلەدى. سولتۇستىك-باتىس، سولتۇستىك، شىعىس جانە ورتالىق وڭىرلەردە، سونداي-اق وڭتۇستىك پەن وڭتۇستىك-شىعىستىڭ تاۋلى ايماقتارىندا قالىڭ قار جاۋادى.

اۋا تەمپەراتۋراسى سولتۇستىك-باتىس، سولتۇستىك، شىعىس جانە ورتالىق ايماقتاردا –5 پەن –30 گرادۋس ارالىعىندا قۇبىلادى. ال قوستاناي جانە سولتۇستىك قازاقستان وبلىستارىندا اياز –33–35 گرادۋسقا دەيىن جەتۋى مۇمكىن.