جوعارى سوت "قازاتومٶنەركەسٸپتٸڭ" اقشاسىن جىمقىردى" دەپ ايىپتالىپ, 80 ميلليون تەڭگە تٶلەۋ تالاپ ەتٸلٸپ, ٷش جارىم جىلعا باس بوستاندىعىنان ايىرىلعان بەلگٸلٸ قازاقستاندىق عالىم عالىمجان مامىتبەكوۆتٸ اقتاپ شىقتى, دەپ حابارلايدى Dalanews.kz كتك تەلەارناسىنا سٸلتەمە جاساپ
سوت ٶتكەن جىلى بۇل ٸستٸ قايتا قاراپ, مامىتبەكوۆتٸ بەرٸبٸر اقتاپ شىققان.
نەگٸزٸ, پروكۋرورلار بۇل شەشٸمگە تٶرت رەت نارازىلىعىن بٸلدٸردٸ. ال بٷگٸن جوعارى سوتتا قارالعان بەسٸنشٸ شاعىم سوڭعىسى بولدى. بۇل جولى تاعى دا پروكۋرورلار جەڭٸلٸس تاپتى. سوت القاسى مامىتبەكوۆكە تاعىلعان ايىپ جالعان, كۋەگەرلەردٸڭ جالاسى دا قيسىنسىز دەپ سانايدى. ەندٸ حيميك-پروفەسسور زاڭسىز ٷكٸمنٸڭ كەسٸرٸنەن وتىرىپ شىققان ٷش جىلىنا ٶتەماقى تالاپ ەتەمٸن دەپ وتىر.
عالىمجان مامىتبەكوۆ, عالىم:
- پروكۋروردىڭ شاعىمى كەلگەندە, "نەگە كەتٸپ قالمادىم" دەگەن مەندە ٶكٸنٸش بولدى. شەتەلگە جاقسى ٶمٸر سٷرۋ ٷشٸن ەمەس, زەرتتەۋشٸ-عالىم رەتٸندە ٶزٸمدٸ دامىتۋعا بارعىم كەلگەن. ەندٸ مەن ەلٸمٸزدە تولىققاندى عىلىمي جۇمىستارعا ارالاساتىنىما سەنٸمدٸ ەمەسپٸن.
