ٷش اۋىلعا اۋىزسۋ تارتىلدى
وسىنىڭ نەتيجەسٸندە تەرەكتٸ, قاراتاس, بورالداي ەلدٸ مەكەندەگٸ 1684 تۇرعىن تازا اۋىز سۋعا قول جەتكٸزدٸ.
بٶلٸنگەن قارجى ەسەبٸنەن ماگيسترالدى سۋاققىدان ەلدٸ مەكەنگە دەيٸنگٸ ارالىقتا 26 شاقىرىم سۋ قۇبىرى, ال اۋىلدىڭ بارلىق كٶشەلەرٸنە 31 شاقىرىمدىق سۋ جٷيەسٸ تارتىلدى. بۇل نىسانداردىڭ قۇرىلىس جۇمىستارىن «نۇراي قۇرىلىس جولى» جشس-گٸ مەن «سەۆەر-يۋگ- ۋنيۆەرسال» جشس-گٸ جٷرگٸزدٸ.
ٶز كەزٸندە اۋىلدىڭ تٶبە بيٸ سەيٸتكەرٸم نۇرجانوۆ تۇرعىندار اتىنان جەرگٸلٸكتٸ بيلٸككە العىسىن ايتىپ, بۇل وسىندا تۇراتىن 267 وتباسى ٷشٸن وراسان زور قۋانىشتى وقيعا ەكەنٸن جەتكٸزدٸ.
جالپى اۋدان كٶلەمٸندەگٸ 52 ەلدٸ مەكەننٸڭ بٷگٸنگٸ تاڭعا 34-ٸ قۇبىرلى اۋىزسۋمەن قامتىلعان. ياعني تۇرعىنداردىڭ 83,4 پايىزى تازا اۋىزسۋعا قول جەتكٸزگەن. 2018 جىلى اۋدانداعى تۇرعىنداردى تازا اۋىزسۋمەن قامتۋ ماقساتىندا 9 ەلدٸ مەكەندە اۋىز سۋ قۇرىلىسى جٷرگٸزٸلسە, الداعى 2020-2021 جىلدارى اۋداندى تولىق ساپالى اۋىز سۋمەن قامتۋ جۇمىستارىن اياقتاۋ جوسپارلانۋدا.
تٷركٸستان وبلىسى ەكٸمٸنٸڭ باسپاسٶز قىزمەتٸ
