22 جەلتوقساندا الماتىداعى قالقامان ايالداماسىندا اۆتوبۋس جاياۋ جٷرگٸنشٸلەردٸ قاعىپ كەتٸپ, 3 ادام قايتىس بولدى. قازٸر وسى وقيعاعا قاتىستى سوت وتىرىسى ٶتٸپ جاتىر, - دەپ حابارلايدى Dalanews.kz.
كەزەكتٸ تىڭدالىمدا بٸرٸنشٸ سٶز جەبٸرلەنۋشٸ تاراپتىڭ قورعاۋشىسىنا بەرٸلگەن. زاڭگەر بۇل جولى جانتٷرشٸگەرلٸك كٶلٸك اپاتىندا كٶز جۇمعان ازاماتتاردىڭ جاقىندارىنىڭ تالاپتارىن جٸپكە تٸزٸپ شىقتى.
"الماتى" تەلەارناسى مەلٸمەتٸنشە, سۋديا جاۋاپتى كومپانييا "دۋمانترانستىڭ", كٶلٸك جٷرگٸزۋشٸسٸ ەرمەك شٶكەباەۆانىڭ جەنە سوتتالۋشى دارحان احمەتجانوۆتىڭ ازاماتتىق كودەكستٸڭ "بٸرلەسٸپ كەلتٸرٸلگەن زييان" بابى بويىنشا 40 ميلليون تەڭگە كٶلەمٸندە مورالدىق شىعىن ٶتەۋگە مٸندەتتەلۋٸن سۇراپ وتىر.
"اۆتوبۋس جٷرگٸزۋشٸسٸ شٶكەباەۆاعا قاتىستى قىلمىستىق ٸس قىسقارىلعانىمەن, ازاماتتىق تالاپ بويىنشا بٸز سول اۆتوبۋستىڭ يەسٸ "دۋمانترانسقا" جەنە سونىڭ جٷرگٸزۋشٸسٸ شٶكەباەۆاعا مورالدىق شىعىندى ٶتەۋ تۋرالى ازاماتتىق تالاپ-ارىز بەرە الامىز", - دەيدٸ جەبٸرلەنۋشٸ تاراپتىڭ قورعاۋشىسى ايتىنعالي تابىلدين.
دٷيٸم جۇرتتىڭ جاعاسىن ۇستاتقان وقيعاعا قاتىستى كەزەكتٸ سوت وتىرىسىندا اۆتوبۋس ٸشٸندە بولعان كۋەگەرلەر دە سٶيلەدٸ. اناسىنىڭ رۇقساتىن العان سوڭ سوت زالىنا كەمەلەتكە تولماعان جاسٶسپٸرٸم شاقىرىلىپ, كٶلٸك جٷرگٸزۋشٸسٸ مەن سوتتالۋشىنىڭ اراسىندا بولعان جانجالدىڭ مەن-جايىن تٷسٸندٸردٸ. سونداي-اق, كۋەگەر ەرمەك شٶكەباەۆانىڭ تولىق ەسٸنەن تانىپ قالعانىن جوققا شىعاردى. ونىڭ ايتۋىنشا, جٷرگٸزۋشٸ ابىر-سابىر باستالعاندا وعان "تەجەگٸشتٸ باس" دەگەن ەكەن.
"بۇل كٸسٸ ورتاڭعى ەسٸكتەن تٷسٸپ كەتپەكشٸ بولدى. ال جٷرگٸزۋشٸ الدىڭعى ەسٸكتەن شىعىپ, چەك كٶرسەتۋٸن تالاپ ەتتٸ. بۇل كٸسٸ چەكتٸ كٶرسەتە المادى. كٶپ نەرسە ايتىلدى نەگٸزٸ, "وسى جەردەن تٷسٸرٸپ كەت, بولماسا, مەن سەنٸ ٷيتەمٸن-بٷيتەمٸن" دەگەندەي. جٷرگٸزۋشٸ "قولىڭنان كەلسە ٸستەپ كٶر" دەپ قارسى سٶز ايتتى", - دەيدٸ كۋەگەر.
ەسكە سالايىق, 2023 جىلعى جەلتوقساندا الماتىدا اۆتوبۋس ايالدامادا تۇرعان بٸر توپ ادامدى قاعىپ كەتكەن ەدٸ. سالدارىنان 3 ادام مەرت بولدى.
كەيٸن قوعامدىق كٶلٸك جٷرگٸزۋشٸسٸن ۇرعان ەر ادام ۇستالدى. بۇل دەرەك نەگٸزٸندە قر قك-نٸڭ 345-بابى 3-بٶلٸگٸ بويىنشا سوتالدى تەرگەۋ دە باستالدى.
ال اۆتوبۋس جٷرگٸزۋشٸسٸ كەشٸرٸم سۇرادى.
"مەن وسى قايعىلى جاعدايعا بايلانىستى قازا تاپقان مارقۇمداردىڭ تۋىستارىنا كٶڭٸل ايتامىن. مەنٸڭ تاراپىمنان ەشقانداي ەدەيٸ وسىلاي ٸستەيٸن دەگەن نيەت بولعان جوق. مۇندايدى جاۋىما دا تٸلەمەسپٸن. ٶزٸمدٸ كٸنەلٸ سانامايمىن. جولاۋشى ەسٸمنەن تانىپ قالعانشا ۇردى.
اۋرۋحانادا جاتقانىمدا تەرگەۋشٸ كەلدٸ. بٸرەۋٸ ەر, ەكٸنشٸسٸ ەيەل. سٸز زارداپ شەگۋشٸسٸز. كٸنەڭٸز جوق دەپ ايتقان. ەندٸ جازىلىپ شىققاندا اۋىر باپ بويىنشا ايىپتاپ جاتقانىن بٸلدٸم. ٶزٸم ارەنداعا ٷي جالداپ تۇرامىن. ەكٸ بالام بار. سولار ٷشٸن ەڭبەك ەتٸپ كەلەمٸن. مەنٸڭ جۇمىسىما ەشكٸم شاعىمدانباعان. ماعان وسىنداي قىلمىستىق كودەكس بويىنشا نە ٷشٸن اۋىر ايىپ تاعىپ جاتقانىن تٷسٸنبەيمٸن. ەگەر سوققى الماعانىمدا, مۇنداي جول اپاتىنا جول بەرمەس ەدٸم. ەدٸلدٸك بولادى دەپ ٷمٸتتەنەمٸن", – دەيدٸ ەرمەك شٶكەباەۆا.
سونىمەن قاتار, الماتىداعى اۆتوبۋس اپاتىنان قازا تاپقانداردىڭ جاقىندارى بۇعان دەيٸن دە ٶتەماقى تالاپ ەتتٸ.
اۆتوبۋس اپاتىنان قازا تاپقان ەرلٸ-زايىپتى تالاپ قوسىموۆ پەن گٷلجاحان جەتپٸسباەۆانىڭ تۋىسى سٷيٸنباي وڭالبەكۇلى پارك ٶكٸلدەرٸنٸڭ بٸر اپتادان كەيٸن عانا كٶڭٸل ايتقانىن جەتكٸزدٸ. ولاردىڭ ايتۋىنشا, تٸپتٸ سول كەزدە دە كٶمەك كٶرسەتۋ تۋرالى جاق اشپاعان. ال بۇل وتباسىنىڭ ارتىندا تٶرت بالاسى قالعان. تۇرىپ جاتقان باسپانالارى دا نەسيەگە الىنعان ەكەن.
"بانكتەن 17 ميلليون, قالعانىن ٶزدەرٸ اۋىلداعى ٷيلەرٸ مەن كٶلٸكتەرٸن ساتىپ پەتەر الدى. سول بانكتەگٸ اقشاسى جابىلسا, بالالارىنا باسپانا قالار ەدٸ. ەندٸ اۆتوبۋس پاركٸ جاعىنان ٷمٸت كٷتٸپ وتىرمىز. ٷمٸتٸمٸزدٸ اقتايتىن شىعار دەگەن ويدامىز", – دەدٸ سٷيٸنباي وڭالبەكۇلى.
