بۇگىندە ەلىمىزدە زاڭسىز الىنعان جەرلەر بىرتىندەپ مەملەكەت مەنشىگىنە قايتارىلۋدا. بۇل باعىتتاعى جۇمىستار اباي وبلىسىندا دا قارقىندى ءجۇرىپ جاتىر. ايتالىق، ءۇرجار اۋدانىندا 11 254 گەكتار جەر مەملەكەت مەنشىگىنە قايتارىلعان، – دەپ حابارلايدى Dalanews.kz اباي وبلىسى اكىمىنىڭ باسپا ءسوز قىزمەتىنە سىلتەمە جاساپ.

وڭىردە قازاقستاننىڭ جەر زاڭناماسىن بۇزا وتىرىپ پايدالانىلىپ جاتقان جانە ماقساتى بويىنشا پايدالانىلماي جاتقان اۋىل شارۋاشىلىعى جەرلەرىن انىقتاۋ بويىنشا جۇمىس توبى قۇرىلعان بولاتىن.

بۇگىندە اتالعان جۇمىس توبى بوس جاتقان جەرلەردى انىقتاپ، مەملەكەت مەنشىگىنە قايتارۋ جۇمىستارىمەن بەلسەندى تۇردە اينالىسىپ جاتىر.  

ايتالىق، جۇمىس توبى ءۇرجار اۋدانىندا جەر زاڭناماسىن بۇزىپ نەمەسە وزگە دە ماقساتتا پايدالانىلعان جالپى جەر كولەمى 28 مىڭ گەكتار ەكەنىن انىقتاعان. الداعى ۋاقىتتا وسى اۋىل شارۋاشىلىعى جەرلەرىن مەملەكەت مەنشىگىنە قايتارىلاتىن بولادى.

اباي وبلىسىندا پايدالانىلماي جاتقان اۋىل شارۋاشىلىعى جەرلەرىن قايتارۋ ءىسى قۇزىرلى ورىنداردىڭ قاتاڭ باقىلاۋدا.