قاڭتاردا ۇلتتىق قاۋىپسىزدىك كوميتەتى شەت مەملەكەتتىڭ قۇزىرەتتى ورگاندارىمەن بىرلەسىپ، ەسىرتكىگە قارسى حالىقارالىق وپەراسيانى جۇزەگە اسىردى، دەپ حابارلايدى Dalanews.kz.
ۇقك مالىمەتىنشە، بىرلەسكەن ارەكەت ناتيجەسىندە الماتى قالاسىندا 8 كەلى سينتەتيكالىق "مەتامفەتامين" الۋ كەزىندە قازاقستان ازاماتى ۇستالعان.
بۇل دەرەككە قاتىستى قىلمىستىق كودەكستىڭ 297-بابى 3-بولىگى بويىنشا سوتقا دەيىنگى تەرگەپ-تەكسەرۋ جۇرگىزىلىپ جاتىر. سوت سانكسياسىمەن ۇستالعان ادامعا قاتىستى قاماۋدا ۇستاۋ تۇرىندەگى بۇلتارتپاۋ شاراسى قولدانىلعان.
