ونىڭ ايتۋىنشا، "دەلتا" شتاممىن جۇقتىرۋ اۋرۋحاناعا جاتقىزۋ مەن ءولىم ءقاۋپىن ەداۋىر ارتتىرادى.
بالالار اراسىندا "دەلتا" شتامىن جۇقتىرۋ 5 ەسە جيىلەي باستادى. ياعني، COVID-19 ۆيرۋسى جاساردى، ءبىراق بالالاردا ينفەكسيانىڭ قانشالىقتى اگرەسسيۆتى جۇرەتىنى ازىرگە بەلگىسىز. ەرەسەكتەرگە كەلەتىن بولساق، "دەلتا" ينفەكسياسىن ءالى ەگىلمەگەن ادامدار جۇقتىرۋعا بەيىم. ۆاكسينا كەز-كەلگەن كۆي نۇسقالارىنا قارسى جالعىز ءتيىمدى قۇرال بولىپ قالا بەرمەك. ۆاكسينا العاندار وزدەرىنىڭ يممۋندىق جۇيەسى "دەلتا" نۇسقاسىنان قورعاي الادى دەپ سەنىمدىلىكپەن ايتا الادى. ال ۆاكسيناسيالانباعاندار پاندەميانىڭ ينفەكسيا مەن ءولىم ءقاۋپى وتە جوعارى بولىپ تۇرعان ەڭ ءقاۋىپتى كەزەڭىندە ەكەندىكتەرىن تۇسىنۋلەرى كەرەك، - دەدى الماز شارمان.
ول سونىمەن بىرگە، پاندەميامەن كۇرەسۋدىڭ جالعىز ءتيىمدى جولى ۆاكسيناسيا ەكەنىن اتاپ ءوتتى. بۇگىنگى تاڭدا الەمدە كۆي ۆاكسيناسىنىڭ 3 ملرد استام دوزاسى ەنگىزىلگەن، بۇل 100 ادامعا شامامەن 39 دوزانى قۇرايدى. الايدا، ۆاكسيناسيامەن نەگىزىنەن اقش، يزرايل جانە ەۋروپا ەلدەرىنىڭ حالقى قامتىلعان. قازاقستاندا تۇرعىنداردىڭ تەك 17%-ى عانا ۆاكسينانىڭ ءبىرىنشى كومپونەنتىن الدى.
ايتا كەتەيىك، بۇگىندە ەلوردادا 230 مىڭعا جۋىق ازامات ۆاكسينانىڭ ءبىرىنشى كومپونەنتىن قابىلداسا، 152 مىڭنان استام ادام تولىق يممۋنداۋدان ءوتتى.
...
بۇعان دەيىن Dalanews.kz «دەلتا» شتاممىنىڭ تارالۋىنا بايلانىستى دەنساۋلىق ساقتاۋ مينيسترلىگى كۆي ناۋقاستارىنان الىنعان وڭ زەرتحانالىق ۇلگىلەردىڭ پتر سكرينينگىن وتكىزگەنىن حابارلاعان.
2021 جىلدىڭ 1 شىلدەسىنە ءۇندى شتاممىن انىقتاۋ ءۇشىن 414 سىنامانىڭ پتر سكرينينگى وتكىزىلدى. ناتيجەلەرى بويىنشا 48،3% ءۇندى شتاممى بارلىق وبلىستار مەن نۇر-سۇلتان، الماتى، شىمكەنت قالالارىندا تابىلدى.
مۋتاسيانىڭ بولۋىن جانە ونىڭ «دەلتا» شتاممىنا جاتاتىندىعىن تۇپكىلىكتى راستاۋ ۇلگىلەردىڭ دنق تولىق گەنومدىق رەتتىلىگى اياقتالعاننان كەيىن انىقتالادى.
دەلتا شتامم كلينيكاسىنىڭ ەرەكشەلىكتەرى-ينكۋباسيالىق كەزەڭنىڭ 5 كۇنگە دەيىن قىسقارۋى، ىشەك بەلگىلەرى باسىم، اۋرۋدىڭ تەز دامۋى، جاس جاستاعى ناۋقاستار سانىنىڭ كوبەيۋى، بالالار مەن جۇكتى ايەلدەر اراسىنداعى اۋىر كۋرس.
وسىعان بايلانىستى دەنساۋلىق ساقتاۋ مينيسترلىگى قازاقستاندىقتاردان ءوز دەنساۋلىعىنا جانە جاقىندارى مەن تۋىستارىنىڭ دەنساۋلىعىنا قامقورلىق جاساۋدى سۇرايدى.
ينفەكسيادان قورعاۋدىڭ جالعىز ءادىسى-اياقتالعان كۋرس COVID-19 ۆاكسيناسياسى.
سونىمەن قاتار، ۆيرۋستىڭ تارالۋ ءقاۋپىن ازايتۋ ءۇشىن بارلىق الدىن-الۋ شارالارىن ساقتاۋ قاجەت: ماسكا كيۋ، الەۋمەتتىك قاشىقتىقتى ساقتاۋ، قول گيگيەناسى، ءۇي-جايلاردى جەلدەتۋ جانە ت. ب.
دۇنيەجۇزىلىك دەنساۋلىق ساقتاۋ ۇيىمىنىڭ دەرەكتەرى بويىنشا 2021 جىلعى 1 شىلدەدەگى جاعداي بويىنشا «دەلتا» SARS-CoV-2 شتاممى الەمنىڭ 96 ەلىندە انىقتالدى.
