ءقازىر ەلىمىزدەگى بيزنەس قىسىلتاياڭ شاقتى باسىنان وتكەرۋدە. كاسىپكەرلەر نارىقتاعى ورىندارىن ساقتاپ قالۋى، جاڭا باعىتتارعا بەيىمدەلۋى جانە قىزمەتكەرلەرىن قولداۋعا كۇش سالۋدا. نارىقتاعى وزگەرىستەردىڭ العىشارتتارىنىڭ پايدا بولعانىنا ءبىرشاما ۋاقىت بولدى، ونىڭ ترەندتەرىن بيزنەستەگى كوشباسشى-ايەلدەرگە ارنالعان Umay Boost وقۋ جوباسىنا قاتىسۋشىلارى وقۋ باعدارلاماسىن جان-جاقتى زەرتتەپ، كاسىپكەرلەردى وزگەرمەلى جاعدايعا بارىنشا دايىنداۋعا كۇش سالۋدا. Umay Boost جوباسى (سايت http://boost.umay.be/) قازاقستاندا Chevron (شيەۆرون) كومپانياسىنىڭ قولداۋىمەن جۇزەگە اسىرىلىپ جاتقان ماڭىزدى جوبالاردىڭ ءبىرى.
ءبىز جۇمىستى توقتاتپايمىز
نازگۇل تۇرسىنالينا، Umay Boost جوباسى العاشقى اعىمىنىڭ تۇلەگى، «NOMAD GPS» جشس-نىڭ ديرەكتورى:
– توتەنشە جاعداي كەزىندەگى جاعدايعا قاتىستى اۆس جوسپارى جاسالدى. ا جوسپارى – جالاقىنى 100% ساقتاي وتىرىپ، 20 ناۋرىزدان باستاپ قاشىقتان جۇمىس ىستەۋ رەجيمىنە كوشتىك. قاشىقتان جۇمىس ىستەۋگە كوشۋ ۇدەرىسى ءبىز ءۇشىن اسا قيىن بولعان جوق. ويتكەنى بۇل فورمات كومپانيادا كوپتەن بەرى قولدانىلىپ كەلەدى. قازاقستاندا عانا ەمەس شەتەلدەگى ماماندارمەن جۇمىس اۋتسورسينگتە جۇرگىزىلۋدە. قىزمەتكەرلەر جۇمىس نوۋتبۋكتەرىمەن، ينتەرنەت ترافيكپەن جانە ۇيالى بايلانىسپەن قامتىلعان، كوپتەگەن باعدارلامالىق جۇيەلەرى الدىن الا باپتالىپ، كەيبىر ىشكى جۇيەلەردە بوتەن تاسىمالداعىشتاردىڭ قاشىقتان جۇمىس ىستەۋى ءۇشىن VPNء-دى باپتاۋ عانا قالعان.
ناۋرىزدىڭ ورتاسىندا كارانتينگە بايلانىستى، ازىق-تۇلىك ساتىپ الۋى ءۇشىن بارلىق قىزمەتكەرگە كەسىمدى ەڭبەك اقىسىنىڭ 50%-ى كولەمىندە اۆانس تولەۋ تۋرالى شەشىم قابلىدانعان بولاتىن.
بۇل جەردە نازىك جاندىلاردىڭ تۇيسىگى ىسكە قوسىلدى دەسە دە بولادى (قىزمەتكەرلەرگە كارانتين كەزىندە ۇيگە ازىق-تۇلىك الۋ كەرەك قوي، ونىڭ ۇستىنە سىرتقى فاكتورلارعا بايلانىستى كۇتپەگەن فورس-ماجور جاعدايىنان جالاقىنىڭ ۋاقىتىن سوزىپ الساق قالاي بولادى دەپ، الدىن الا قامداندىق. ەگەر قىزمەتتەرىمىزگە دەگەن سۇرانىس شامامەن 30-40%-عا تومەندەسە، ۆ جوسپارىن ىسكە قوسۋ كەرەك بولادى، ياعني قىزمەتكەرلەردىڭ ءبىرازىن كەزەگىمەن اقىلى ەڭبەك دەمالىسىنا شىعارۋعا تۋرا كەلەدى.
ەگەر 3 اي ىشىندە جاعداي تومەندەپ، قىزمەتتەرگە دەگەن سۇرانىس 60-70%-دان اسا قۇلاسا، سوعان قاراي اقشا قاراجاتىنىڭ ءتۇسىمى قىسقارادى دا، س جوسپارىن قولدانۋعا ءماجبۇر بولامىز، ياعني قىزمەتكەرلەر اقىسىز دەمالىسقا شىعادى، ءبىراق جۇمىستان شىقپايدى. سونىمەن قاتار، شتاتتاعى قىزمەتكەرلەردەن بولەك، ازاماتتىق-قۇقىقتىق شارتپەن جۇمىس ىستەيتىن جۇمىسكەرلەر دە بار، ولار ازىرگە جۇمىستارىن شتاتتى رەجيمدە جالعاستىرۋدا، ازىرگە جۇمىس كولەمى بار.
قازىرگى جاعدايدىڭ ارتىقشىلىقتارى:
- ءونىمىمىزدى (مونيتورينگ جۇيەسىن) دامىتۋعا كوبىرەك ۋاقىت ءبولىندى، ءبىز جۇمىستى توقتاتپايمىز، كەرىسىنشە، ەندى بۇعان بۇرىنعىدان دا كوپ كوڭىل بولەمىز.
- كادر رەزەرۆىن قۇرامىز. مامانداردى ىزدەۋدى جالعاستىرامىز، ءقازىر ەڭبەك نارىعىندا ۇمىتكەرلەر سانى ارتتى. كارانتين كەزىندە جاڭا قىزمەتكەرلەردى ونلاين تاعىلىمدامادان وتكىزىپ، وقىتا الامىز جانە كەيىن جۇمىسقا ورنالاستىرامىز.
- كومپانياداعى «جۇلدىزدار» جۇمىسىن باعالايتىن بولدى.
- سەرىكتەستەردىڭ، قىزمەتكەرلەر مەن كليەنتتەردىڭ جانە مەنىڭ جۇيكە جۇيەمنىڭ مىقتىلىعى تەكسەرىلەدى.
- بيزنەس-ۇدەرىستەر وڭتايلاندىرىلادى، اسا «تار اۋىزداردى» نىعايتۋعا ۋاقىت ۇنەمى جەتە بەرمەيدى.
- بىزدە 1 كليەنت بولسا دا، مونيتورينگ سەرۆيسى جۇمىسىن توقتاتپايدى جانە 24/7 رەجيمىندە قىزمەت كورسەتىلەدى.
- ءبىز كليەنتتەرىمىزدىڭ دە جاعدايىن تۇسىنەمىز جانە تج كەزىندە قىزمەتتەردىڭ اي سايىنعى ابونەنتتىك تولەمىن ۋاقىتشا كەيىنگە شەگەرە الامىز، ول ءۇشىن ءبىزدىڭ تەحنيكالىق قولداۋ قىزمەتكە ءوتىنىش جازۋ كەرەك.
- سالىقتاردى، جالداۋ اقىسىن جانە ەڭبەكاقى مەن باسقا دا مىندەتتى تولەمدەردى جوسپارلاعانىمىزداي، ۋاقىتىندا ءارى 100% تولەپ وتىرمىز. 2019 جىلدىڭ جىلدىق ەسەبىن دە ۋاقىتىندا تاپسىردىق. قارىز جيناعىمىز كەلمەيدى.
جۇمىس ۋاقىتىندا بەلگىلى ءبىر الەۋمەتتىك كاپيتال جيناپ الدىم جانە جالداۋ، جابدىقتاردى جەتكىزۋ جانە باسقا دا قىزمەتتەر ماسەلەلەرى بويىنشا مىندەتتەمەلەردى شەگەرۋ قاجەت بولسا، جاعدايىمدى تۇسىنەتىن سەرىكتەستەرىم بار، بۇل تۇرعىدان مەنىڭ جولىم بولدى.
ەگەر وسى تىزبەك ۇزىلمەسە جانە بارلىعى قولىنان كەلگەنىنشە بىر-بىرىنە كومەكتەسۋگە تىرىسسا، وسى ەكونوميكالىق داعدارىستان دا مەيلىنشە از شىعىنمەن شىعامىز. ەڭ باستىسى – جاقىندارىمىزدىڭ ساۋلىعى مەن ەسەندىگى، ال قيىندىقتاردى كەلگەن كەزىندە كوتەرىپ الامىز. ەگەر تاعدىر ساعان ليمون بەرسە، ودان ليموناد جاساپ ال دەگەن ۇستانىمدى قۇپتايمىز.
كارانتين كەزىندە جۇرتتى سەرگىتكەنىمىزگە باقىتتىمىز
كاميليا سەرىكوۆا، Umay Boost جوباسى ەكىنشى اعىمىنىڭ تۇلەگى، قازاقستانداعى «Tchibo» نەمىس فرانشيزاسى دۇكەنى مەن كوفەحاناسىنىڭ قوسىمشا قۇرىلتايشىسى:
– 10 ناۋرىزدان باستاپ سسو-عا كەلۋشىلەر سانى كۇرت ازايدى جانە بۇل ءبىزدىڭ بيزنەسكە قاتتى اسەر ەتتى. بارلىق تۇبىرتەك «مەگانىڭ» قىزمتكەرلەرىنەن عانا بولدى. ەڭ ماڭىزدى فاكتور – جالداۋ اقىسى دوللار باعامىنا، ال ساتىپ الاتىن دۇنيەلەرىمىز ەۋروعا تاۋەلدى بولدى، سەبەبى ءبىز تاۋاردى گەرمانيادان الامىز. سوندىقتان ۆاليۋتا باعامىنىڭ بىردەن وزگەرۋى ءبىزدىڭ بيزنەسكە قاتتى اسەر ەتكەنى جاسىرىن ەمەس.
تج جاريالاپ، سسو-نى جاپقان كەزدە 17 ساۋىرگە دەيىن جۇمىس ىستەمەيمىز دەپ شەشتىك. بۇل ءۇزىلىس – تۇگەلدەۋمەن، شارتتارمەن، ۇدەرىستەردى جولعا قويۋمەن، جالپى ايتقاندا وسىعان دەيىن مۇمكىندىك بولماعان بارلىق نارسەمەن اينالىسۋعا تاماشا ۋاقىت.
16 ناۋرىزدا قازاقستان قالالارىندا ونىمدەرىمىزدى جەتكىزەتىنىمىزدى جاريالادىق. ادامدار ءبىزدى قولداپ، ءداندى، ۇنتاق كوفەگە، قۇتىلى كوفەماشينالارعا تاپسىرىس رەسىمدەي باستادى جانە بىر-بىرىنە بەلسەندى ۇسىندى.
كوفەحانانىڭ جابىلىپ، قاشىقتان جۇمىس ىستەۋگە كوشۋىنە بايلانىستى، ادامدار وزدەرىن تاڭەرتەڭ حوش ءيىستى سەرگىتكىش سۋسىنمەن قۋانتۋ ءۇشىن كوفەنى ۇيلەرىنە قۋانا الدىردى. ال ءبىز ۇلتىمىزدى وسى ءبىر اۋىر كەزەڭدە ساپالى كوفەمەن سەرگىتكەنىمىزگە باقىتتىمىز.
شەكارامىزدى كەڭەيتىپ، اينالامىزدى كۇشەيتىپ جاتىرمىز
لەيلا شاكەنوۆا، Umay Boost جوباسى ءۇشىنشى اعىمىنىڭ قاتىسۋشىسى، «جاردەم» مەديسينا ورتالىعىنىڭ ديرەكتورى:
– تج-عا بايلانىستى مەديسينا ورتالىعىن جابۋعا ءماجبۇر بولدىق. مەنىڭ ويىم – جۇمىس ورىندارىن ساقتاۋ. شەكتەۋ شارالارى باستالعان كەزدە، ورتالىقتاردىڭ ءبىرىن جوندەپ ۇلگەردىك.
جاڭا جاعداي مىنەز-قۇلىقتىڭ جاڭا جەلىسىنە كوندىرىپ وتىر، بيزنەستىڭ قاي تاراپقا قاراي داميتىنى تەك جەتەكشىگە بايلانىستى. وسى بىرنەشە كۇن مەنى بيزنەستىڭ جاڭا باستالعان كەزىنە الىپ كەلدى.
ءبىز كومەك كورسەتۋ ءۇشىن جانە ارىپتەستەرىمىزدى قولداۋ ءۇشىن، 12 ماماننان ونلاين-كەڭەس قۇردىق. ناۋقاستاردى، دوستاردى رۋحاني قولداۋ ءۇشىن ءار ەلدەگى پايدالى ادامدارمەن تىكەلەي ەفير جوباسىن اشتىق.
شەكارامىزدى كەڭەيتىپ، اينالامىزدى كۇشەيتىپ جاتىرمىز. ەندى داۋرىعۋ، قورقۋ جانە كۇيزەلىس كەزىندە «جاردەم» مەديسينا ورتالىعىنان تەگىن پسيحولوگيالىق كومەك كورسەتەتىن جەدەل جەلىنى دايىندادىق. ءبىز – دارىگەرلەر بەيتاراپ كۇيدە تىنىش وتىرا المايمىز.
