ۇلىبريتانييالىق حيرۋرگتەر ەلەمدە العاش رەت جاساندى ينتەللەكتٸنٸ ناقتى ۋاقىت رەجيمٸندە قولدانا وتىرىپ, ناۋقاستىڭ ميىنداعى ٸسٸكتٸ سەتتٸ الىپ تاستادى. بۇل تۋرالى BBC مەلٸمدەدٸ, دەپ حابارلايدى dalanews.kz.
بەدفوردشير تۇرعىنى, ەكٸ بالانىڭ ەكەسٸ ريس حيببەرتكە وپەراتسييا لوندون ۋنيۆەرسيتەتتٸك كوللەدجٸنٸڭ اۋرۋحاناسىندا جاسالعان. دەرٸگەرلەردٸڭ ايتۋىنشا, حيرۋرگييالىق ارالاسۋ دەر كەزٸندە جٷرگٸزٸلمەگەندە ناۋقاس كٶرۋ قابٸلەتٸنەن ايىرىلۋى مٷمكٸن ەدٸ.
وپەراتسييا كەزٸندە جاساندى ينتەللەكت جٷيەسٸ بەينەجازبانى ناقتى ۋاقىت رەجيمٸندە سارالاپ, حيرۋرگتەرگە ميداعى كٶزگە كٶرٸنبەيتٸن ماڭىزدى قان تامىرلارى مەن جٷيكەلەردٸ زاقىمداپ الماۋعا كٶمەكتەسكەن. سونىڭ ارقاسىندا ماماندار ٸسٸكتٸڭ بارىنشا كٶپ بٶلٸگٸن قاۋٸپسٸز الىپ تاستاي الدى.
"ناۋقاستىڭ قاۋٸپسٸزدٸگٸ تۇرعىسىنان بۇل تەحنولوگييانىڭ ارتىقشىلىعى ايقىن كٶرٸنەدٸ. ٶيتكەنٸ ادامنىڭ باسىنىڭ ٸشٸندە باعىت كٶرسەتەتٸن جول بەلگٸلەرٸ جوق", - دەدٸ ريس حيببەرت.
وسىدان 18 اي بۇرىن 48 جاستاعى ريس حيببەرتتٸڭ دەنساۋلىعىنا قاتىستى ەشقانداي شاعىمى بولماعان. كليەنتتەرگە قىزمەت كٶرسەتۋ جٶنٸندەگٸ مەنەدجەر بولىپ جۇمىس ٸستەيتٸن ول كٷن سايىن تٷسكٸ ٷزٸلٸس كەزٸندە شامامەن ٷش شاقىرىم جاياۋ جٷرەتٸن.
وسىنداي سەرۋەندەردٸڭ بٸرٸندە ەر ادام كٶشەدە كەنەتتەن ەسٸنەن تانىپ, دەنەسٸ قۇرىسا باستاعان. كەيٸن جٷرگٸزٸلگەن تەكسەرۋ ونىڭ گيپوفيزٸندە كٶلەمٸ 11 ميلليمەتر بولاتىن قاتەرسٸز ٸسٸك ٶسٸپ كەلە جاتقانىن انىقتادى.
گيپوفيز – باس سٷيەكتٸڭ تٷبٸندە ورنالاسقان, كٶلەمٸ شاعىن شار تەرٸزدٸ ماڭىزدى مٷشە. ول اعزاداعى بٸرقاتار گورموننىڭ بٶلٸنۋٸن رەتتەيدٸ.
