كٶكشەتاۋداعى قر ٸٸم ۇلتتىق ۇلانى 5510 ەسكەري بٶلٸمٸنٸڭ ەسكەري قىزمەتشٸلەرٸ ەندٸ تاڭعى اس, تٷسكٸ اس نەمەسە كەشكٸ اس كەزٸندە قانشا مٶلشەردە اقۋىز, ماي جەنە كٶمٸرسۋ تۇتىنعانىن بٸلە الادى. سونىمەن قاتار ەر تاعامعا باعا بەرۋگە مٷمكٸندٸك بار, دەپ حابارلايدى dalanews.kz.
بۇل مەلٸمەتتەر تسيفرلىق تالداۋعا ەنگٸزٸلٸپ, ەسكەري قىزمەتشٸلەردٸڭ تاعامعا قاتىستى قالاۋىن ەسكەرۋگە جەنە قاجەت بولعان جاعدايدا اس مەزٸرٸن تٷزەتۋگە مٷمكٸندٸك بەرەدٸ. مۇنداي تەسٸل ٸشكٸ ٸستەر مينيسترٸنٸڭ ورىنباسارى – ۇلتتىق ۇلاننىڭ باس قولباسشىسى گەنەرال-لەيتەنانت اڭساعان بالتابەكوۆتٸڭ تاپسىرماسى بويىنشا جٷزەگە اسىرىلۋدا. جٷيەنٸڭ جۇمىسىن جاساندى ينتەللەكت تەحنولوگيياسى قولدانىلاتىن وتاندىق «E-Qamqorlyq» باعدارلامالىق-اپپاراتتىق كەشەنٸ قامتاماسىز ەتەدٸ.
اس ٷلەستٸرۋ جەلٸسٸنە ورناتىلعان FoodPos قۇرىلعىسى جەرگٸلٸكتٸ جاساندى ينتەللەكت كٶمەگٸمەن ەسكەري قىزمەتشٸنٸڭ ىدىسىنداعى تاعامداردى تانىپ, ولاردىڭ كٶلەمٸن انىقتايدى. سونداي-اق تاعامنىڭ كالوريياسىن, اقۋىز, ماي جەنە كٶمٸرسۋ مٶلشەرٸن كٶرسەتەدٸ.
جٷيەدە كەرٸ بايلانىس تەتٸگٸ دە قاراستىرىلعان. تاماقتانعاننان كەيٸن ەسكەري قىزمەتشٸ تاعامنىڭ ساپاسىن باعالاي الادى. ەگەر بەلگٸلٸ بٸر تاعامدار ٷنەمٸ تٶمەن باعا السا نەمەسە ولاردىڭ ەدەۋٸر بٶلٸگٸ جەلٸنبەي قالسا, بۇل دەرەكتەر كەلەسٸ اس مەزٸرٸن ەزٸرلەۋ كەزٸندە ەسكەرٸلەدٸ. وسىلايشا, ەسكەري قىزمەتشٸنٸڭ پٸكٸرٸ ونىڭ كٷندەلٸكتٸ تاماقتانۋىن جەتٸلدٸرۋدٸڭ بٸر قۇرالىنا اينالادى.
پيلوتتىق جوبا ٸسكە قوسىلعان العاشقى ايلاردا Q-Voice تسيفرلىق كەرٸ بايلانىس پانەلٸ ارقىلى 1,5 مىڭعا جۋىق باعا بەرٸلگەن.
جٷيە تاماقتانۋدى ۇيىمداستىرۋعا قاتىستى باسقا دا پروتسەستەردٸ: ازىق-تٷلٸكتٸ ساتىپ الۋ مەن ساقتاۋدان باستاپ, سانيتارييالىق تالاپتاردىڭ ساقتالۋىنا جەنە اسحانا قىزمەتكەرلەرٸنٸڭ جۇمىسقا رۇقسات نورمالارىنا سەيكەستٸگٸن قاداعالايدى. اتاپ ايتقاندا, Q-Store قويماداعى ازىق-تٷلٸكتٸڭ ەسەبٸن جٷرگٸزٸپ, ولاردىڭ جارامدىلىق مەرزٸمٸن باقىلايدى. Q-HACCP تەمپەراتۋرا, ىلعالدىلىق جەنە سانيتارييالىق تالاپتاردىڭ ساقتالۋىن قاداعالايدى. ال Q-Staff قىزمەتكەرلەردٸڭ جۇمىس ۋاقىتىن جەنە مەديتسينالىق رۇقساتتارىن باقىلاۋعا مٷمكٸندٸك بەرەدٸ.
«E-Qamqorlyq» جٷيەسٸ قازٸر 5510 ەسكەري بٶلٸمٸندە سىناقتان ٶتكٸزٸلۋدە. جوبانىڭ تيٸمدٸلٸگٸ دەلەلدەنگەن جاعدايدا, بۇل تەجٸريبەنٸ ۇلتتىق ۇلاننىڭ ٶزگە دە ەسكەري بٶلٸمدەرٸندە قولدانۋ جوسپارلانىپ وتىر.
