1ء-شى قاڭتاردان باستاپ جاڭا فورماتقا وزگەرتىلگەن سۇراق-جاۋاپتا باياننان بولەك تالاي ارتىس-شوۋمەندەردىڭ اتى اتالعان ەكەن. ال قازاق ءتىلى مەن ادەبيەتىنىڭ ورنىن باسقان «وقۋ ساۋاتىلىعى» ءپانىن ويعا كەلمەيتىن سۇراقتارمەن تولتىرعان ۇلتتىق تەستىلەۋ ورتالىعىنداعىلار بولسا، جاستاردى شوۋعا تارتتىق دەپ ءماز.
جىلدا رەفورما جاساماسا كوڭىلى كونشىمەيتىن ءبىلىم مينيسترىلىگى بيىلدان باستاپ ۇلتتىق تەستىلەۋدەن قازاق ءتىلى مەن ادەبيەتىن الىپ تاستاعان. قاڭتاردان ەنگىزىلگەن سول ەرەجە، ەمتيحان باستالماي جاتىپ قىپ-قىزىل داۋعا قالدى. ويتكەنى، وقۋشى تۇگىلى شوۋ-بيزنەستە جۇرگەندەردىڭ ءوزىن شاتاستىراتىن ساۋال كوپ.
سۇراق – سۇحبات قانداي ماقساتپەن الىندى؟
ا) ەرمەك تۇرسىنوۆتىڭ كينو تۋرالى ويىن ءبىلۋ ءۇشىن
ۆ) ەرمەك تۇرسىنوۆتىڭ فيلمدەرىن جارنامالاۋ ءۇشىن
س) ەرمەك تۇرسىنوۆتى تانىستىرۋ ءۇشىن
د) وتاندىق فيلمدەرگە تالداۋ جاساۋ ءۇشىن
ە) بايان ەسەنتايەۆا مەن نۇرتاس ادامبايعا سىن ايتقىزۋ ءۇشىن.
وسىلايشا، جوعارى وقۋ ورنىنا ءتۇسۋ ءۇشىن بايان تۋرالى ءبىلۋ اۋاداي قاجەت بوپ شىقتى. اتى-شۋلى پروديۋسەر مەن كومەديالىق ءارتىس جايلى تەست سۇراقتارى قازاق ءتىلى مەن ادەبيەتىنىڭ ورىن باسقان «وقۋ ساۋاتتىلىعى» اتتى ءپاننىڭ ىشىندە ءجۇر.
رامازان ءالىمقۇلوۆ، ۇلتتىق تەستىلەۋ ورتالىعىنىڭ ديرەكتورى:
ء-بىز مۇنى بىلدىك وسىنداي بولاتىنىن. بيىل ۇلتتىق ءبىرىڭعاي تەستىلەۋدەن وتەتىندەردىڭ قىزىعۋشىلىعىن كوتەرۋ ءۇشىن. بايان ەسەنتايەۆا مەن نۇرتاس ادامباي تۋرالى سۇراق تا بار. ولار كينوماتوگرافيا، كينو سالاسى دامۋى تۋرالى ءوزىنىڭ وي-پىكىرىن كورسەتكەن.
ادەبيەتتەگى ونەگەنى وسەككە تولى گلامۋرمەن الماستىرعاندار وسىلايشا تالاپكەر ءبىلىمىن شوۋ-بيزنەس ارقىلى ارتتىرعانىنا ءماز.
ال نەبارى 8 كۇننەن كەيىن تۇلەكتەردەن ۇلتتىق تەستى تاپسىرۋعا وتىنىشتەر قابىلداۋ باستالادى. بۇل سىناق بۇرىنعى سىناقتان وزگەرەك بولماق. مەكتەپ بىتىرۋشىلەر مىندەتتى ءۇش ءپان -«ماتەماتيكا ساۋاتتىلىعى»، «قازاقستان تاريحى» جانە وسى شوۋ-بيزنەستەن ساۋاتىن اشاتىن «وقۋ ساۋاتتىلىعى» پاندەرىنەن، سونداي-اق وزدەرى تاڭداعان ەكى پانەن سىناق تاپسىرادى.
دەرەككوز: كتك ارناسى
