1-shi qańtardan bastap jańa formatqa ózgertilgen suraq-jaýapta Baiannan bólek talai ártis-shoýmenderdiń aty atalǵan eken. Al qazaq tili men ádebietiniń ornyn basqan «Oqý saýatylyǵy» pánin oiǵa kelmeitin suraqtarmen toltyrǵan Ulttyq testileý ortalyǵyndaǵylar bolsa, jastardy shoýǵa tarttyq dep máz.
Jylda reforma jasamasa kóńili kónshimeitin Bilim ministriligi biyldan bastap Ulttyq testileýden qazaq tili men ádebietin alyp tastaǵan. Qańtardan engizilgen sol ereje, emtihan bastalmai jatyp qyp-qyzyl daýǵa qaldy. Óitkeni, oqýshy túgili shoý-bizneste júrgenderdiń ózin shatastyratyn saýal kóp.
Suraq – Suhbat qandai maqsatpen alyndy?
A) Ermek Tursynovtyń kino týraly oiyn bilý úshin
V) Ermek Tursynovtyń filmderin jarnamalaý úshin
S) Ermek Tursynovty tanystyrý úshin
D) Otandyq filmderge taldaý jasaý úshin
E) Baian Esentaeva men Nurtas Adambaiǵa syn aitqyzý úshin.
Osylaisha, joǵary oqý ornyna túsý úshin Baian týraly bilý aýadai qajet bop shyqty. Aty-shýly prodiýser men komediialyq ártis jaily test suraqtary qazaq tili men ádebietiniń oryn basqan «Oqý saýattylyǵy» atty pánniń ishinde júr.
Ramazan Álimqulov, Ulttyq testileý ortalyǵynyń direktory:
-Biz muny bildik osyndai bolatynyn. Biyl ulttyq biryńǵai testileýden ótetinderdiń qyzyǵýshylyǵyn kóterý úshin. Baian Esentaeva men Nurtas Adambai týraly suraq ta bar. Olar kinomatografiia, kino salasy damýy týraly óziniń oi-pikirin kórsetken.
Ádebiettegi ónegeni ósekke toly glamýrmen almastyrǵandar osylaisha talapker bilimin shoý-biznes arqyly arttyrǵanyna máz.
Al nebári 8 kúnnen keiin túlekterden ulttyq testi tapsyrýǵa ótinishter qabyldaý bastalady. Bul synaq burynǵy synaqtan ózgerek bolmaq. Mektep bitirýshiler mindetti úsh pán -«Matematika saýattylyǵy», «Qazaqstan tarihy» jáne osy shoý-biznesten saýatyn ashatyn «Oqý saýattylyǵy» pánderinen, sondai-aq ózderi tańdaǵan eki pánen synaq tapsyrady.
Derekkóz: KTK arnasy
