بايقاۋدىڭ نەگٸزگٸ ماقساتى – ۇلتتىق سپورتتى ناسيحاتتاۋ جەنە قالامگەرلەرگە قولداۋ كٶرسەتۋ, ولاردى ۇلتتىق سپورت تٷرلەرٸ تۋرالى جاڭا تۋىندىلاردى جازۋعا ىنتالاندىرۋ.
وسىعان وراي الماتىداعى قازاقستان جازۋشىلار وداعىندا ٶتكەن جيىندا ەدەبي بايقاۋ رەسمي تٷردە جارييالاندى. كەزدەسۋگە قازاقستان جازۋشىلار وداعى باسقارماسىنىڭ تٶراعاسى مەرەكە قۇلكەنوۆ, ۇلتتىق سپورت قاۋىمداستىعىنىڭ پرەزيدەنتٸ يسلامبەك سالجانوۆ, سونداي-اق اسانەلٸ ەشٸموۆ, دۋلات يسابەكوۆ, سماعۇل ەلۋباي, بەكسۇلتان نۇرجەكەەۆ, قاناز مولداحمەت سىندى زييالى قاۋىم ٶكٸلدەرٸ مەن قوعام قايراتكەرلەرٸ قاتىستى. سونىمەن قاتار, بٷكٸل ەلەمدٸ تاڭقالدىرىپ جٷرگەن, قازاقتان شىققان حالىقارالىق دەرەجەدەگٸ تۇڭعىش شاباندوز باۋىرجان مىرزاباەۆ شارانىڭ قۇرمەتتٸ قوناعى بولدى.
قازاقستان جازۋشىلار وداعى باسقارما تٶراعاسى مەرەكە قۇلكەنوۆ كٶركەم ەدەبيەتتە ۇلتتىق مٷددەگە ساي كەلەتٸن تۋىندىلاردىڭ ٷلەسٸن ارتتىرۋ قاجەت ەكەنٸن اتاپ ٶتتٸ.
«ٶنەردٸڭ ٸشٸندەگٸ ەڭ بٸر قاستەرلٸسٸ – كٶركەم ەدەبيەت. سوندىقتان شىعارماشىلىق زييالى قاۋىم, جازۋشى قاۋىم ٶكٸلدەرٸ ٷشٸن «قۇلاگەر» ەدەبي بايقاۋىنىڭ ماڭىزى زور. ٶسكەلەڭ ۇرپاقتىڭ كٸتاپ وقۋعا دەگەن قىزىعۋشىلىعىن وياتۋعا بار كٷش-جٸگەرٸمٸزدٸ سالامىز», - دەدٸ مەرەكە قۇلكەنوۆ.
ۇلتتىق سپورت قاۋىمداستىعىنىڭ پرەزيدەنتٸ يسلامبەك سالجانوۆ رەسپۋبليكالىق ەدەبي بايقاۋدىڭ ماڭىزىنا توقتالدى.
– مەملەكەت باسشىسى قاسىم-جومارت كەمەلۇلى توقاەۆ ۇلتتىق يدەولوگييا مەن جاڭا قوعامدىق ەتيكانى قالىپتاستىرۋعا باس نازار اۋدارعانى بەلگٸلٸ. بۇل رەتتە بيىل ٶتەتٸن 5-شٸ دٷنيەجٷزٸلٸك كٶشپەندٸلەر ويىندارى قارساڭىندا قالامگەرلەر اراسىندا «قۇلاگەر» رەسپۋبليكالىق بايقاۋىنىڭ جارييالانۋى قۋانىشتى جاڭالىق. ەرينە, بايقاۋ اتاۋى كەزدەيسوق تاڭدالماعانى بەلگٸلٸ. ٶيتكەنٸ ٸليياس جانسٷگٸروۆتٸڭ «قۇلاگەرٸ» – ەشقاشان ەسكٸرمەيتٸن, مەڭگٸ جاس پوەزييا. قازاق ەدەبيەتٸنە جاڭا ەسٸمدەر مەن تىڭ تۋىندىلار قوسىلىپ, ۇلتتىق ەدەبيەتٸمٸزدٸ بايىتا تٷسەدٸ دەگەن سەنٸمدەمٸن, – دەدٸ يسلامبەك سالجانوۆ.
سونىمەن قاتار, ۇلتتىق سپورت قاۋىمداستىعىنىڭ پرەزيدەنتٸ «قازاق ەدەبيەتٸ» گازەتٸ ۇجىمىن باسىلىمنىڭ 90 جىلدىق مەرەيتويىمەن قۇتتىقتادى.
بايقاۋعا قاتىساتىن جۇمىستار ۇلتتىق سپورت تٷرلەرٸنە ارنالۋى شارت. كونكۋرستىق شىعارمالار ۇلتتىق سپورت قاۋىمداستىعى قۇرامىنا رەسمي تٷردە كٸرەتٸن «تەڭگە ٸلۋ», «بەيگە», «جامبى اتۋ», «اۋدارىسپاق», «كٶكپار», «توعىزقۇمالاق», «قۇسبەگٸلٸك», «ساداق اتۋ», «اسىق اتۋ», «جورىق» سپورت تٷرلەرٸن باستى تاقىرىپ ەتۋٸ كەرەك. سونىمەن قاتار, قاتىسۋشىلاردىڭ جاسىنا شەكتەۋ قويىلمايدى.
بايقاۋدا مىناداي نوميناتسييالار بولادى:
- ٷزدٸك پوەزييا
- ٷزدٸك پروزا
- بالالارعا ارنالعان ٷزدٸك شىعارما
- ٷزدٸك كوميكس
- ٷزدٸك دراما
- ٷزدٸك دەرەكتٸ پروزا
- ٷزدٸك فانتاستيكالىق/ميفولوگييالىق شىعارما
بايقاۋعا بۇرىن ەش جەردە جارييالانباعان, تەك قانا وسى جىلعى قاڭتار مەن ماۋسىم ارالىعىندا جازىلعان جاڭا شىعارمالار قابىلدانادى.
ەر نوميناتسييا بويىنشا ٷزدٸك دەپ تانىلعان تۋىندىنىڭ اۆتورى جەڭٸمپاز اتانىپ, وعان «قۇلاگەر» بايقاۋىنىڭ اۆتورلىق مٷسٸنشەسٸ جەنە ۇلتتىق سپورت قاۋىمداستىعى 2 000 000 (ەكٸ ميلليون) تەڭگە كٶلەمٸندە قارجىلاي سىياقى بەرٸلەدٸ.
جەڭٸمپازدار قازىلار القاسىنىڭ شەشٸمٸمەن انىقتالىپ, تامىز ايىندا ماراپاتتالادى.
بايقاۋعا قاتىسۋعا ٶتٸنٸم بەرۋ ٷشٸن http://qulager.ultsport.kz/ سايتىندا ساۋالنامانى تولتىرىپ, شىعارمانى جٷكتەۋ قاجەت. تولىق اقپاراتتى qulagerultsport@gmail.com ەلەكتروندىق پوشتاسى ارقىلى ۇيىمداستىرۋ كوميتەتٸنەن نەمەسە كٶرسەتٸلگەن بايلانىس تەلەفوندارى ارقىلى بٸلۋگە بولادى: +7 700 098 2025 (جۇلدىز ورازىمبەت), +7 701 516 5584 (حاديشا ەرسەيتوۆا).
ٸس-شاراعا قاتىستى بارلىق فوتوسۋرەتتەر مەن ۆيدەولار وسى سٸلتەمەدە: https://t.me/kulager2024
