ٷلكەن الماتى اينالما اۆتوجولىمەن جٷرۋ اقىسى ەكٸ ەسەگە قىمباتتايدى

16 تامىزدان باستاپ ٷلكەن الماتى اينالما اۆتوموبيل جولىمەن (باكاد) جٷرۋ تاريفتەرٸ ەكٸ ەسەگە ٶسەدٸ, دەپ حابارلايدى dalanews.kz.

قازاقستاننىڭ كٶلٸك مينيسترلٸگٸ قولدانىستاعى اقىلى جولدى پايدالانۋ قاعيدالارىنا ٶزگەرٸستەر ەنگٸزدٸ. جاڭا تاريفتەر رەسمي جارييالانعاننان كەيٸن 10 كٷن ٶتكەن سوڭ كٷشٸنە ەنەدٸ.

جاڭا تاريف بويىنشا جەڭٸل اۆتوكٶلٸكتەر ٷشٸن بٸر رەتتٸك جول جٷرۋ اقىسى 605,5 تەڭگەنٸ قۇرايدى. بۇعان دەيٸن بۇل ساناتتاعى كٶلٸكتەر 302 تەڭگە تٶلەپ كەلگەن. ال اۆتوبۋستار مەن جٷك كٶلٸكتەرٸ ٷشٸن تٶلەم مٶلشەرٸ كٶلٸك تٷرٸنە قاراي 692 تەڭگەدەن 1903 تەڭگەگە دەيٸن بەلگٸلەندٸ.

اتاپ ايتقاندا, 16 ورىنعا دەيٸنگٸ اۆتوبۋستار مەن جٷك كٶتەرگٸشتٸگٸ 2,5 تونناعا دەيٸنگٸ جٷك كٶلٸكتەرٸ 692 تەڭگە تٶلەيدٸ. 32 ورىنعا دەيٸنگٸ اۆتوبۋستار مەن 5,5 تونناعا دەيٸنگٸ جٷك كٶلٸكتەرٸ ٷشٸن تاريف – 1211 تەڭگە. ال 32 ورىننان جوعارى اۆتوبۋستار مەن 10 تونناعا دەيٸنگٸ جٷك كٶلٸكتەرٸ ٷشٸن جول اقىسى 1384 تەڭگە بولادى. جٷك كٶتەرگٸشتٸگٸ 10-15 توننا ارالىعىنداعى كٶلٸكتەر 1730 تەڭگە, ال 15 توننادان اساتىن جٷك كٶلٸكتەرٸ مەن تٸركەمەلٸ تەحنيكالار 1903 تەڭگە تٶلەيدٸ.

سونىمەن قاتار ايلىق جەنە جىلدىق ابونەمەنتتەردٸڭ قۇنى ٶزگەرٸسسٸز قالادى. ايلىق ابونەمەنت جەڭٸل كٶلٸكتەر ٷشٸن 2162 تەڭگە بولسا, كٶلٸك تٷرٸنە قاراي 10 812 تەڭگەگە دەيٸن بارادى. ال جىلدىق ابونەمەنت قۇنى 21 625 تەڭگەدەن باستالىپ, اۋىر جٷك كٶلٸكتەرٸ ٷشٸن 108 125 تەڭگەگە دەيٸن جەتەدٸ.

جٷرگٸزۋشٸلەر ٷشٸن 50 پايىزدىق جەڭٸلدٸك تە ساقتالادى. ول جول اقىسىن ۋچاسكەگە كٸرمەي تۇرىپ الدىن الا تٶلەگەندە نەمەسە جولدان ٶتكەننەن كەيٸن جەتٸ جۇمىس كٷنٸ ٸشٸندە ٶتەگەن جاعدايدا قولدانىلادى.

ايتا كەتەيٸك, ٷلكەن الماتى اينالما اۆتوموبيل جولى 2023 جىلدىڭ ماۋسىمىندا پايدالانۋعا بەرٸلگەن. ۇزىندىعى 66 شاقىرىم بولاتىن اقىلى اينالما جول الماتى قالاسىن اينالىپ ٶتۋگە مٷمكٸندٸك بەرەدٸ جەنە ترانزيتتٸك كٶلٸك اعىنىن ازايتۋعا باعىتتالعان.