ساتبايەۆ قالاسىندا قىزعا شابۋىل جاساعانى ءۇشىن ۇستالعان ەر ادام جاساعان ءىسىن مويىندادى، دەپ حابارلايدى Dalanews.kz.

كۇدىكتىنىڭ زارداپ شەگۋشىمەن بەتپە-بەت كەزدەسۋلەرى وتكىزىلدى. قازىرگى ۋاقىتتا قىزعا شابۋىل جاساعانى ءۇشىن ۇستالعان ەر ادام مويىنداۋ كورسەتىلىمدەرىن بەرۋدە.

ەستەرىڭىزگە سالا كەتەيىك، قالا تۇرعىنىنا جاسالعان شابۋىل فاكتىسى بويىنشا پوليسيا كۇدىكتىنىڭ ءىزىن سۋىتپاي ۇستاپ، ۋاقىتشا ۇستاۋ يزولياتورىنا قاماۋعا العان.

قازاقستان رەسپۋبليكاسى قىلمىستىق كودەكسىنىڭ 24-بابىنىڭ 3-تارماعى (قىلمىسقا وقتالۋ) جانە 120-بابىنىڭ 1-تارماعى (زورلاۋ) بويىنشا قىلمىستىق ءىس قوزعالدى.

سوتقا دەيىنگى تەرگەۋ بارىسىندا بولعان وقيعانىڭ ءمان-جايلارىن انىقتاۋعا، دالەلدەردى جيناۋ مەن تىركەۋگە، تۇرعىنداردان سۇراستىرۋعا باعىتتالعان بارلىق قاجەتتى تەرگەۋ ارەكەتتەرى جۇرگىزىلۋدە.

تەرگەۋ جالعاسۋدا.