سوت ۇلىتاۋ وبلىسىنىڭ مادەنيەت، تىلدەردى دامىتۋ جانە مۇراعات ءىسى باسقارماسىنىڭ باسشىسى ءانۋار ومارعا قاتىستى ۇكىم شىعاردى، دەپ حابارلايدى Dalanews.kz.
ۇكىم 12 ناۋرىزدا جەزقازعان قالالىق سوتىندا جاريالاندى. ناقتىراق ايتساق، ۇلىتاۋ وبلىسىنىڭ مادەنيەت، تىلدەردى دامىتۋ جانە مۇراعات ءىسى باسقارماسىنىڭ بۇرىنعى باسشىسى و. مەن ك.-عا قازاقستان رەسپۋبليكاسى قىلمىستىق كودەكسىنىڭ 366-بابى 3-بولىگىنىڭ 2-تارماعى "الدىن الا ءسوز بايلاسۋ ارقىلى ادامدار توبىنىڭ پارا الۋى" بويىنشا ايىپ تاعىلدى.
سوتتا و.-نىڭ ءبولىم باسشىسى بولعان كەزدە، وبلىس اۋماعىنداعى كونە قورىمدارداعى ارحەولوگيالىق قازبالار جونىندەگى جۇمىستاردى مەملەكەتتىك ساتىپ الۋ شارتى بويىنشا اكتىلەرگە قول قويعانى جانە جالپى قامقورلىعى ءۇشىن مەردىگەر ۇيىمنان 2 ميلليون تەڭگە كولەمىندە پارا العانى انىقتالدى.
"ايىپتالۋشى ك.، لاۋازىمدى تۇلعا، مەملەكەتتىك ورگاننىڭ باسشىسى بولا تۇرا، "ك" ج ش س وكىلىمەن ارحەولوگيا سالاسىنداعى عىلىمي-زەرتتەۋ جانە تاجىريبەلىك-كونسترۋكتورلىق جۇمىستاردى مەملەكەتتىك ساتىپ الۋ تۋرالى شارت جاساسقان"، - دەلىنگەن جەزقازعان قالالىق سوتىنىڭ باسپا ءسوز قىزمەتىنىڭ حابارلاماسىندا.
سوتتالۋشىلار ايىپپۇل تۇرىندەگى جازا تاعايىنداۋدى سۇرادى. ال ك. "قاتتى وكىنەتىنىن ايتىپ" قازاقستان رەسپۋبليكاسى قىلمىستىق كودەكسىنىڭ 65-بابىنىڭ نەگىزىندە قىلمىستىق جاۋاپتىلىقتان بوساتۋدى ءوتىندى.
سوتتالۋشىلاردىڭ كىناسى ولاردىڭ مويىنداۋىمەن جانە سوتقا ۇسىنىلعان دالەلدەمەلەردىڭ جيىنتىعىمەن انىقتالدى. ۇكiمدi تاعايىنداۋ كەزiندە قىلمىستىق جاۋاپتىلىق پەن جازانى جەڭiلدەتەتiن ءمان-جايلار – سوتتالۋشىلاردىڭ ءوز كiءناسiن مويىنداۋى، جاساعان ىس-ارەكەتتەرىنە قاتتى وكىنۋi جانە جاس بالالارىنىڭ بولۋى ەسكەرىلدى.
"سوت ۇكىمىمەن وسى مەملەكەتتىك مەكەمەلەردىڭ باسشىلارىنا ءارقايسىسىنا 6 جىل باس بوستاندىعىنان ايىرۋ جازاسى تاعايىندالدى. "مادەني مۇرانى زەرتتەۋ جانە ساقتاۋ ورتالىعى" ج ش س مەردىگەر كومپانياسىنىڭ وكىلىنە 3،5 جىلعا باس بوستاندىعىنان ايىرۋ جازاسى تاعايىندالدى. بارلىق سوتتالعاندار ءومىر بويى مەملەكەتتىك قىزمەتتە قىزمەت اتقارۋ قۇقىعىنان ايىرىلادى"، - دەلىنگەن حابارلامادا.
ۇكىم زاڭدى كۇشىنە ەنگەن جوق.
ەسكە سالايىق، وسى جىلدىڭ اقپان ايىندا ق ر سىبايلاس جەمقورلىققا قارسى ءىس-قيمىل اگەنتتىگىنىڭ قىزمەتكەرلەرى ۇلىتاۋ وبلىستىق مادەنيەت، تىلدەردى دامىتۋ جانە مۇراعات ءىسى باسقارماسىنىڭ باسشىسى ءانۋار وماردى ۇستاعانى بەلگىلى بولدى. كۇدىكتى وبلىس اۋماعىنداعى ەجەلگى قورىمدارداعى ارحەولوگيالىق قازبالار جونىندەگى جۇمىستاردى مەملەكەتتىك ساتىپ الۋ شارتى بويىنشا اكتىلەرگە قول قويعانى جانە جالپى قامقورلىعى ءۇشىن مەردىگەر ۇيىمنان 2 ميلليون تەڭگە كولەمىندە پارا العان.
