ۇلدانانىڭ كٷيەۋٸ سوتتا: «مەن قالجىڭ دەپ ويلادىم»

استانادا 23 جاستاعى فەلدشەر ۇلدانا مىرزۋاننىڭ ٶلٸمٸنە قاتىستى سوت جالعاسىپ جاتىر, دەپ حابارلايدى dalanews.kz.

20 تامىزداعى سوت وتىرىسىندا ۇلدانانىڭ كٷيەۋٸ ەدٸلەت زەينال وقيعا بولعان كٷندٸ ەسكە الدى.

ونىڭ ايتۋىنشا, 2025 جىلعى 8 قاراشادا تاڭەرتەڭ ەكەۋٸ بٸرگە جۇمىسقا كەتكەن. ساعات 10:00 شاماسىندا ۇلدانا وعان بٸر ادامنىڭ قۇلاپ قالعانىن جەنە زارداپ شەككەن ادامدى ونىڭ اۋرۋحاناسىنا جەتكٸزۋٸ مٷمكٸن ەكەنٸن جازعان. وسىدان كەيٸن ول ەيەلٸنٸڭ حابارلامالارىنا جاۋاپ بەرمەي كەتكەن.

شامامەن 50 مينۋتتان كەيٸن ەدٸلەتكە اۋرۋحانادان قوڭىراۋ كەلٸپ, ەيەلٸنٸڭ قابىلداۋ بٶلٸمٸندە جاتقانىن حابارلاعان.

«ەزٸل شىعار دەپ ويلادىم», - دەدٸ ول سوتتا.

كەيٸن ول تٶمەن تٷسٸپ, ەيەلٸن تانىعان. سوتتا ەدٸلەت زەينال ۇلدانانىڭ دەنەسٸن ٶزٸ تانىعانىن ايتىپ,

«بۇل سول ەكەنٸن ايتتىم. بۇدان باسقا ايتارىم جوق» - دەدٸ.

سونداي-اق ول 19 قاراشادا ۇلدانانىڭ ەپكەسٸمەن بٸرگە ەكٸمدٸككە بارعانىن ايتتى. ونىڭ سٶزٸنشە, سول جەردە مەسليحات دەپۋتاتى ولارعا 20 ملن تەڭگە قولما-قول اقشا بەرگەن. بۇل رەتتە ەشقانداي قۇجاتقا قول قويىلماعان.

كەيٸن ەدٸلەت زەينالدىڭ قايتا ٷيلەنۋٸنەن سوڭ ۇلدانانىڭ اناسى ودان جەبٸرلەنۋشٸ مەرتەبەسٸنەن باس تارتۋىن سۇراعان. وسىدان كەيٸن ول تيٸستٸ ٶتٸنٸش بەرگەن.

سوتتا ەدٸلەت زەينالدىڭ جەبٸرلەنۋشٸ مەرتەبەسٸنە قاتىستى مەسەلە دە قارالۋدا.