Astanada 23 jastaǵy feldsher Uldana Myrzýannyń ólimine qatysty sot jalǵasyp jatyr, dep habarlaidy dalanews.kz.
20 tamyzdaǵy sot otyrysynda Uldananyń kúieýi Ádilet Zeinal oqiǵa bolǵan kúndi eske aldy.
Onyń aitýynsha, 2025 jylǵy 8 qarashada tańerteń ekeýi birge jumysqa ketken. Saǵat 10:00 shamasynda Uldana oǵan bir adamnyń qulap qalǵanyn jáne zardap shekken adamdy onyń aýrýhanasyna jetkizýi múmkin ekenin jazǵan. Osydan keiin ol áieliniń habarlamalaryna jaýap bermei ketken.
Shamamen 50 minýttan keiin Ádiletke aýrýhanadan qońyraý kelip, áieliniń qabyldaý bóliminde jatqanyn habarlaǵan.
«Ázil shyǵar dep oiladym», - dedi ol sotta.
Keiin ol tómen túsip, áielin tanyǵan. Sotta Ádilet Zeinal Uldananyń denesin ózi tanyǵanyn aityp,
«Bul sol ekenin aittym. Budan basqa aitarym joq» - dedi.
Sondai-aq ol 19 qarashada Uldananyń ápkesimen birge ákimdikke barǵanyn aitty. Onyń sózinshe, sol jerde máslihat depýtaty olarǵa 20 mln teńge qolma-qol aqsha bergen. Bul rette eshqandai qujatqa qol qoiylmaǵan.
Keiin Ádilet Zeinaldyń qaita úilenýinen soń Uldananyń anasy odan jábirlenýshi mártebesinen bas tartýyn suraǵan. Osydan keiin ol tiisti ótinish bergen.
Sotta Ádilet Zeinaldyń jábirlenýshi mártebesine qatysty másele de qaralýda.
