استانادا قازا بولعان فەلدشەر ۇلدانا مىرزۋاننىڭ ٶلٸمٸنە قاتىستى سوت وتىرىسىندا ونىڭ اناسى ساليما وماروۆا جاۋاپ بەرٸپ, وقيعا بولعان كٷندٸ ەسكە الدى, دەپ حابارلايدى dalanews.kz.
ساليما وماروۆانىڭ ايتۋىنشا, 2025 جىلعى 8 قاراشادا تاڭەرتەڭ قىزى شاقىرتۋعا بارا جاتقان جولدا وعان بەينەقوڭىراۋ ارقىلى حابارلاسقان. ۇلدانا اناسىنان بايلانىستان اجىراماۋىن سۇراپ, بارعان جەرٸنە جەتكەنٸن عانا ايتىپ ٷلگەرگەن.
كەيٸن ساليما وماروۆاعا ەدٸلەت زەينالدىڭ اناسى بٸرنەشە رەت قوڭىراۋ شالىپ, «ۇلدانانىڭ ٷستٸنە قابىرعا قۇلادى» دەپ حابارلاعان. باستاپقىدا اناسى جاعدايدىڭ قانشالىقتى اۋىر ەكەنٸن تٷسٸنبەگەن.
استاناعا ۇشىپ كەلگەن ساليما وماروۆا بٸردەن اۋرۋحاناعا بارعان. وپەراتسييادان كەيٸن ونى ۇزاق ۋاقىت جانساقتاۋ بٶلٸمٸنە كٸرگٸزبەگەن. كەيٸن كٸرۋگە رۇقسات بەرٸلگەندە, اناسى قىزىنىڭ تٷرٸن ەرەڭ تانىعانىن ايتتى.
سوتتا وسى سەتتەردٸ ەسكە العان كەزدە ساليما وماروۆانىڭ جاعدايى ناشارلاپ, كٶزٸنە جاس كەلدٸ. وسىعان بايلانىستى سۋديا سوت وتىرىسىندا ٷزٸلٸس جارييالادى.
ەسكە سالايىق, 23 جاستاعى فەلدشەر ۇلدانا مىرزۋان 2025 جىلعى 8 قاراشادا شاقىرتۋ كەزٸندە عيماراتتىڭ قاسبەتٸ مەن كونديتسيونەر بەكٸتپەسٸنٸڭ ٷستٸنە قۇلاۋىنان اۋىر جاراقات العان. ول 10 كٷن جانساقتاۋ بٶلٸمٸندە جاتىپ, كەيٸن قايتىس بولدى.
