Astanada qaza bolǵan feldsher Uldana Myrzýannyń ólimine qatysty sot otyrysynda onyń anasy Salima Omarova jaýap berip, oqiǵa bolǵan kúndi eske aldy, dep habarlaidy dalanews.kz.
Salima Omarovanyń aitýynsha, 2025 jylǵy 8 qarashada tańerteń qyzy shaqyrtýǵa bara jatqan jolda oǵan beineqońyraý arqyly habarlasqan. Uldana anasynan bailanystan ajyramaýyn surap, barǵan jerine jetkenin ǵana aityp úlgergen.
Keiin Salima Omarovaǵa Ádilet Zeinaldyń anasy birneshe ret qońyraý shalyp, «Uldananyń ústine qabyrǵa qulady» dep habarlaǵan. Bastapqyda anasy jaǵdaidyń qanshalyqty aýyr ekenin túsinbegen.
Astanaǵa ushyp kelgen Salima Omarova birden aýrýhanaǵa barǵan. Operatsiiadan keiin ony uzaq ýaqyt jansaqtaý bólimine kirgizbegen. Keiin kirýge ruqsat berilgende, anasy qyzynyń túrin áreń tanyǵanyn aitty.
Sotta osy sátterdi eske alǵan kezde Salima Omarovanyń jaǵdaiy nasharlap, kózine jas keldi. Osyǵan bailanysty sýdia sot otyrysynda úzilis jariialady.
Eske salaiyq, 23 jastaǵy feldsher Uldana Myrzýan 2025 jylǵy 8 qarashada shaqyrtý kezinde ǵimarattyń qasbeti men konditsioner bekitpesiniń ústine qulaýynan aýyr jaraqat alǵan. Ol 10 kún jansaqtaý bóliminde jatyp, keiin qaitys boldy.
