مارقۇم فەلدشەر ۇلدانا مىرزۋاننىڭ اناسى جۋرناليست رۋسلان ٶتەپبايعا بەرگەن سۇحباتىندا قىزىنىڭ ٶلٸمٸنەن كەيٸن بولعان بٸرقاتار تٷسٸنٸكسٸز جاعدايدى باياندادى, دەپ حابارلايدى dalanews.kz.
ونىڭ ايتۋىنشا, اقپان ايىندا قۇداعيى حابارلاسىپ, ۇلدانانىڭ تۋۋ تۋرالى كۋەلٸگٸنە قاتىستى قۇجاتتى سۇراعان. سونىمەن قاتار قىزىنىڭ بانك الدىندا تٶلەنبەگەن نەسيەسٸ بار ەكەنٸن ايتىپ, مۇرادان نەمەسە بەلگٸلٸ بٸر قۇقىقتان باس تارتۋ تۋرالى قۇجات رەسٸمدەۋ مەسەلەسٸن كٶتەرگەن.
"ماعان قۇداعيىم حابارلاسىپ, بانكتەگٸ نەسيەنٸ تٶلەۋ كەرەك ەكەنٸن ايتتى. ودان كەيٸن "وتكازنوي" جازىپ بەرەسٸز بە دەپ سۇرادى. بۇل سٶزگە قاتتى تاڭعالدىم", – دەدٸ ۇلدانانىڭ اناسى.
وسىدان كەيٸن ول زاڭگەرمەن بٸرگە بانككە بارىپ, قىزىنىڭ اتىنا رەسٸمدەلگەن قارجىلىق مٸندەتتەمەلەردٸ تەكسەرگەن.
تەكسەرۋ بارىسىندا ۇلدانا مىرزۋاننىڭ اتىندا ەشقانداي نەسيە دە, قارىز دا بولماعانى انىقتالعان. اناسىنىڭ سٶزٸنشە, قىزىنىڭ ەسەپشوتتارى بۇعان دەيٸن تولىق جابىلعان, ال بانك قىزمەتكەرٸ ونىڭ اتىنا تٸركەلگەن بەرەشەك جوق ەكەنٸن راستاعان.
مارقۇمنىڭ اناسى دەل وسى جايتتان كەيٸن كەيبٸر ەرەكەتتەرگە قاتىستى كٷدٸگٸ كٷشەيگەنٸن ايتىپ, ٸستٸڭ بارلىق مەن-جايى تولىق انىقتالعانىن قالايتىنىن جەتكٸزگەن.
